വാന്‍ സ്‌കൂട്ടറില്‍ ഇടിച്ച് എഞ്ചിനീയറിംഗ് വിദ്യാര്‍ത്ഥിക്ക് ഗുരുതര പരിക്ക്
പരിയാരം: ഏമ്പേറ്റിൽ പിക്കപ്പ് വാന്‍ സ്‌കൂട്ടറില്‍ ഇടിച്ച് എഞ്ചിനീയറിംഗ് വിദ്യാര്‍ത്ഥിക്ക് ഗുരുതര പരിക്ക്.
ചെമ്പേരി വിമല്‍ ജ്യോതി എഞ്ചിനീയറിംഗ് കോളജ് വിദ്യാര്‍ത്ഥി ശ്രീസ്ഥയിലെ ആദിത്യനാണ്(23)പരിക്ക്. ആദിത്യനെ പരിയാരം മെഡിക്കല്‍ കോളജിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. ഇന്ന് രാവിലെ 8.15 നായിരുന്നു അപകടം.
തളിപ്പറമ്പ് ഭാഗത്തേക്ക് പോകുകയായിരുന്ന ആദിത്യന് സഞ്ചരിച്ച കെഎല്‍ 13 എജി 5997 സ്‌കൂട്ടറിന് മുന്നില്‍ പോയിക്കൊണ്ടിരുന്ന മിനിലോറി എതിരെ വരികയായിരുന്ന സ്വകാര്യബസിന്റെ അമിതവേഗം കണ്ട് വശം ചേര്‍ന്ന് നിര്‍ത്തിയപ്പോള്‍ പിറകെ വരികയായിരുന്ന ആദിത്യനും സ്‌കൂട്ടര്‍ നിര്‍ത്തി.
എന്നാല്‍ ആദിത്യന്റെ സ്‌കൂട്ടറിന് പിറകില്‍ ഗ്യാസ് സിലിണ്ടര്‍ കയറ്റി വരികയായിരുന്ന പിക്കപ്പ് വാന്‍ ഇടിക്കുകയായിരുന്നു. ഇടിയുടെ ആഘാതത്തില്‍ മിനി ലോറിക്കകത്തേക്ക് കയറിയ സ്‌കൂട്ടറില്‍ നിന്നും തെറിച്ചുവീണ ആദിത്യന് കാലുകള്‍ക്ക് മാരകമായി പരിക്കേറ്റു.
നാട്ടുകാരും പരിയാരം മെഡിക്കല്‍ കോളജ് പോലീസും ചേര്‍ന്നാണ് ഇയാളെ ആശുപത്രിയിലെത്തിച്ചത്.ഇപ്പോർ ആദിത്യനെ മംഗലാപുരത്തുള്ള ഒരു സ്വകാര്യ ആശുപത്രയിൽ പ്രവേശിപ്പിച്ചിരിക്കയാണ്.
About Ezhome Live Online News Channel
No comments
Post a Comment