ജെറ്റ് എയര്‍വെയ്‌സ് സര്‍വീസുകൾ നിര്‍ത്തുന്നു : യാത്രക്കാര്‍ വലയും..!!!
നഷ്ടത്തെ തുടര്‍ന്ന് കൊച്ചിയിലേക്കുള്ള സര്‍വ്വീസ് നിര്‍ത്താനൊരുങ്ങി ജെറ്റ് എയര്‍വേയ്‌സ്. പ്രതിദിന സര്‍വ്വീസുകളാണ് നിര്‍ത്തലാക്കാനൊരുങ്ങുന്നത്. ഷാര്‍ജയില്‍ നിന്നും കൊച്ചിയിലേക്കുള്ള സര്‍വ്വീസുകള്‍ നിര്‍ത്തിവെച്ചു.
ഫെബ്രുവരി 10 മുതല്‍ കൊച്ചിയിലേക്ക് സര്‍വ്വീസുണ്ടാകിലെന്ന് വിവിധ ഏജന്‍സികളെ കമ്പനി അറിയിച്ചിട്ടുണ്ട്. ഇനിയൊരു അറിയിപ്പ് ഉണ്ടാകുന്നത് വരെയാണ് തീരുമാനം. ഇതോട് കൂടി യുഎഇയില്‍ നിന്നും കേരളത്തിലേക്കുള്ള എല്ലാ സര്‍വ്വീസുകളും ജെറ്റ് എയര്‍വേയ്‌സ് അവസാനിപ്പിച്ചിരിക്കുകയാണ്.
ക്രിസ്മസ്- പുതുവത്സര അവധികള്‍ക്കായി നാട്ടിലേക്കെത്തുന്ന പ്രവാസികളെ വിഷയം ഗുരുതരമായി ബാധിക്കും. നിലവില്‍ ടിക്കറ്റ് എടുത്തിട്ടുള്ളവര്‍ക്ക് യാത്രയുടെ പത്ത് ദിവസം മുന്‍പോ ശേഷമോ കണക്കാക്കി പുതിയ തീയതി നിശ്ചയിക്കാമെന്നും അതിന് പിഴ ഈടാക്കില്ലെന്നും കമ്പനി അറിയിച്ചിട്ടുണ്ട്. ഉപയോഗിക്കാത്ത ടിക്കറ്റിന് പിഴയൊന്നും ഈടാക്കാതെ മുഴുവന്‍ തുകയും തിരികെ നല്‍കും.
അതേസമയം ഒരിക്കല്‍ മാറ്റിയ തീയതിയില്‍ വീണ്ടും മാറ്റം ഉണ്ടായാല്‍ പിഴ ഈടാക്കുംപുതുക്കിയ യാത്രാ തീയതിയില്‍ വിമാനം ഇല്ലെങ്കില്‍ മുംബൈ വഴിയോ ഡല്‍ഹി വഴിയോ പോകാം. നേരത്തെ ദുബായില്‍ നിന്നും കൊച്ചിയിലേക്കും തിരുവനന്തപുരത്തേക്കുമുള്ള വിമാന സര്‍വ്വീസുകളും ജെറ്റ് എയര്‍വേയ്‌സ് സമാന രീതിയില്‍ നിര്‍ത്തലാക്കിയിരുന്നു.
About Ezhome Live Online News Channel
No comments
Post a Comment