ചെറുതാഴം സർവീസ് സഹകരണ ബാങ്ക‌് ഹെഡ‌് ഓഫീസ് കെട്ടിടം ഉദ‌്ഘാടനംചെയ‌്തു

പിലാത്തറ :

 

ചെറുതാഴം സർവീസ് സഹകരണ ബാങ്ക‌്ഹെഡ‌് ഓഫീസ് കെട്ടിടം, വ്യാപാര യൂണിറ്റുകൾ, മിനി ഓഡിറ്റേറിയം, മലബാർ സിമന്റ്  ഷോറൂം എന്നിവയുടെ ഉദ്ഘാടനം  വ്യവസായ മന്ത്രി ഇ പി ജയരാജൻ നിർവഹിച്ചു. 

ജനങ്ങളുടെ സംരക്ഷണ ശക്തിയായി സഹകരണ പ്രസ്ഥാനം നിലനിൽക്കുന്നുവെന്ന് മന്ത്രി പറഞ്ഞു.  ബാങ്ക് പ്രസിഡന്റ‌്  പി വി ബാലകൃഷ്ണൻ അധ്യക്ഷനായി. നവീകരിച്ച ഗൃഹോപകരണ ഷോറൂം പി കരുണാകരൻ എം പിയും ടൈൽസ് ആന്റ് സാനിറ്ററി ഷോറൂം പി കെ ശ്രീമതി എം പിയും ഡിസ‌്‌പ്ലേ കം സ്റ്റോക്ക് പോയിന്റ് കെട്ടിടം ടി വി രാജേഷ് എംഎൽഎയും മിനി ഓഡിറ്റോറിയം സഹകരണ സംഘം ഡെപ്യൂട്ടി രജിസ്ട്രാർ എം കെ ദിനേശ് ബാബുവും മലബാർ സിമന്റ് ഷോറൂം മുൻ ജില്ലാ പഞ്ചായത്ത് പ്രസിഡന്റ‌്  ഒ വി നാരായണനും  ഉദ്ഘാടനം ചെയ‌്തു. സിനിമാ താരം സുരഭി ലക്ഷ്മി മുഖ്യാതിഥിയായി. 

പഞ്ചായത്ത് പ്രസിഡന്റ‌് പി പ്രഭാവതി, സഹകരണ സംഘം അസിസ്റ്റന്റ് ഡയരക്ടർ എം പി രജിത് കുമാർ, ടി വി ഉണ്ണികൃഷ്ണൻ, കെ വനജ, ഐ വി ശിവരാമൻ, സി എം വേണുഗോപാലൻ, എം പി ഉണ്ണികൃഷ്ണൻ, സി കെ രാഘവൻ, എം വി ശകുന്തള, കെ പത്മനാഭൻ, മുതുവടത്ത് ബാലകൃഷ്ണൻ, കെ സി രഘുനാഥ് എന്നിവർ സംസാരിച്ചു. ബാങ്ക് സെക്രട്ടറി കെ ദാമോദരൻ സ്വാഗതവും വൈസ് പ്രസിഡന്റ‌് കെ സി തമ്പാൻ നന്ദിയും പറഞ്ഞു.