കണ്ണൂർ വിമാനത്താവളത്തിലും പകൽകൊള്ള ; യാത്രക്കാരനായ കടവത്തൂർ സ്വദേശിക്ക് നഷ്ടമായത് 12000 രൂപയുടെ സാധനങ്ങൾ

കണ്ണൂർ :
കണ്ണൂർ വിമാനതാവളത്തിൽ എത്തിയ യാത്രക്കാരന്റെ ലഗേജിൽ നിന്ന് സാധനങ്ങൾ മോഷണം പോയതായി പരാതി.
കടവത്തൂർ മുണ്ടത്തോട് കിഴക്കയിൽ അബ്ദു ള്ളയുടെ മകൻ അനസിന്റെ ബാഗിൽ നിന്നാണ് സാധനങ്ങൾ മോഷണം പോയത്.

കഴിഞ്ഞ ദിവസം ഖത്തറിൽ നിന്നും  IX 774 വിമാനത്തിൽ രാവിലെ വന്നിറങ്ങിയ അനസ് ലഗേജുമായി വീട്ടിൽ എത്തിയപ്പോഴാണ്  ബാഗിൽ നിന്ന് സാധനങ്ങൾ നഷ്ടപ്പെട്ടതായി കണ്ടത്. മൂന്ന് ബാഗുമായാണ് അനസ് വിമാനത്തിൽ വന്നിറങ്ങിയത്.

ഇതിൽ ഒരു ബഗ് പ്രത്യക്ഷത്തിൽ കാണാത്ത വിധം തുറന്നാണ് സാധനങ്ങൾ എടുത്തത്. ഒരു വാച്ച് രണ്ട് ഇലക്ട്രോണിക് ഉപകരണങ്ങൾ എന്നിവയാണ് നഷ്ടപ്പെട്ടത്. സാധനങ്ങളുടെ പാക്കേജ് കവർ ബാഗിൽ തന്നെ ഉണ്ട്. ഏകദേശം 12OOO രൂപയുടെ സാധനങ്ങൾ നഷ്ടപ്പെട്ടതായി അനസ് പറയുന്നു. സംഭവം മനസിലായ
ഉടനെ തന്നെ എയർപോർട്ടിൽ എത്തി പരാതി നൽകി. സി.ഐ എസ് എഫ് അധികൃതർക്കും, എയർ പോർട്ട് സി.ഐക്കും പരാതി നൽകിയിട്ടുണ്ട്