യുഎഇയിൽ ശമ്പള വർധനയുണ്ടാകുമെന്ന് റിപ്പോർട്ട്;പ്രവാസികൾക്ക് പ്രതീക്ഷ

യുഎഇയിൽ ശമ്പള വർധന ഉണ്ടായേക്കുമെന്ന് സർവേ. രാജ്യത്തെ പ്രവാസികളിൽ മൂന്നിൽ രണ്ടു ഭാഗവും ഈ വർഷം ശമ്പള വർധന പ്രതീക്ഷിക്കുന്നവരാണെന്നും റിപ്പോർട്ടുണ്ട്. ശമ്പളത്തിൽ 3.9% വർധനയുണ്ടാകുമെന്നാണ് ഞായറാഴ്ച പ്രസിദ്ധീകരിച്ച കോൺഫെറി റിപ്പോർട്ട് വ്യക്തമാക്കുന്നത്.


salaries-to-increase
അതേസമയം രാജ്യത്തെ പണപ്പെരുപ്പ നിരക്ക് 3.2% ആയതിനാൽ അതു കുറച്ച് യഥാർഥ ശമ്പള വർധന 0.7%   ആയിരിക്കുമെന്നും റിപ്പോർട്ട് ചൂണ്ടിക്കാട്ടുന്നു. 2018ൽ യഥാർഥ ശമ്പള വർധന 0.5 ശതമാനമായിരുന്നു. മേഖലയിലെ ഏറ്റവും ആകർഷകമായ ജോലി സ്ഥലമായി യു.എ.ഇ തുടരുകയാണെന്നും റിപ്പോർട്ട് വ്യക്തമാക്കി. യല്ലാ കംപയർ 1200 പേരിൽ നടത്തിയ സർവേയിലും മൂന്നിൽ രണ്ടുപേർ ശമ്പള വർധനയുണ്ടാകുമെന്ന് അഭിപ്രായപ്പെട്ടിരുന്നു.