പഴയങ്ങാടി പോലീസ് സ്റ്റേഷൻ: പുതിയ എസ് ഐ ചുമതലയേറ്റു
പഴയങ്ങാടി:
പഴയങ്ങാടി പോലീസ് സ്റ്റേഷനില്‍ കെ പ്രജീഷ് എസ്.ഐ യായി ചുമതലയേറ്റു. നേരത്തെ എസ്.ഐയായിരുന്ന ബിനുമോഹന്‍ സ്ഥലം മാറിപ്പോയതിനെത്തുടര്‍ന്നാണ് പുതിയ എസ്.ഐ ചാര്‍ജെടുത്തത്.
ഏഴോം, തീരദേശ പഞ്ചായത്തുകളായ മാടായി, മാട്ടൂല്‍ ഉള്‍പ്പെടെയാണ് പ്രവര്‍ത്തന പരിധി. ലോകസഭാ തിരഞ്ഞെടുപ്പിന് മുന്നോടിയായി നിലവിലുള്ള സ്റ്റേഷനുകളില്‍ നിന്നും പോലീസുകാരെ സ്ഥലം മാറ്റാന്‍ ഉത്തരമുണ്ടായിരുന്നു..
ഇതിന്റെ ഭാഗമായാണ് പഴയങ്ങാടിയിലും പുതിയ എസ്.ഐ പ്രജീഷ് ചാര്‍ജ് എടുത്തത്.
സാധാരണക്കാര്‍ക്ക് നീതി കിട്ടാന്‍ ആവശ്യമായ നടപടി ഉണ്ടാകുമെന്നും പഴയങ്ങാടിയിലെ ഗതാഗതകുരുക്ക് പരിഹരിക്കാന്‍ ആവശ്യമായ നടപടി സ്വീകരിക്കുമെന്നും കഞ്ചാവ് മണല്‍ മാഫിയകളെ നിലക്കുനിര്‍ത്താന്‍ ആവശ്യമായ നടപടി സ്വീകരിക്കുമെന്നും എസ് ഐ പഴയങ്ങാടിയിലെ മാധ്യമ പ്രവര്‍ത്തകരോട് പറഞ്ഞു.
കഴിഞ്ഞ ദിവസം പട്ടുവം അരിയില്‍ സ്വദേശി കെ.സുരാജിനെ 18 കുപ്പി വിദേശമദ്യവുമായി പഴയങ്ങാടി ബസ് സ്റ്റാന്‍ഡിന് സമീപത്ത് വച്ച് എസ് ഐ കെ പ്രജീഷ് പിടികൂടിയിരുന്നു.
About Ezhome Live Online News Channel
No comments
Post a Comment