പാലക്കുന്നിൽ ബുള്ളറ്റുകൾ കൂട്ടിയിടിച്ച് യുവാവ് മരിച്ചു

ഉദുമ:
 ബുള്ളറ്റുകൾ കൂട്ടിയിടിച്ചുണ്ടായ അപകടത്തിൽ യുവാവ് മരിച്ചു. കോട്ടിക്കുളം മുക്രി ഹൗസിലെ മുഹമ്മദിന്റെയും ആയിഷയുടെയും മകൻ അബ്ദുൽ നാസർ (49) ആണ് മരിച്ചത്. ശനിയാഴ്ച രാത്രി പത്തരയോടെ പാലക്കുന്ന് മത്സ്യ മാർക്കറ്റിന് അടുത്താണ് അപകടം. സമീപത്തെ ഹോട്ടലിൽ പോയി കെ.എസ് ടി.പി റോഡിലേക്ക് കയറുന്നതിനിടയിൽ മംഗലാപുരത്ത് നിന്ന് കണ്ണൂരിലേക്ക്  അമിത വേഗത്തിൽ പോവുകയായിരുന്ന യുവാക്കൾ സഞ്ചരിച്ച  ബുള്ളറ്റ് നാസർ ഓടിച്ച  ബുള്ളറ്റിൽ ഇടിക്കുകയായിരുന്നു. റോഡിലേക്ക് തെറിച്ചുവീണ നാസറിനെ സമീപത്തുള്ളവർ ഓടിക്കൂടി മംഗലാപുരം ആസ്പത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഭാര്യ: ഹാജറ .
മക്കൾ: നൗഷീന, നിഫാന, നൗഷീർ, നാഫിഖ്.
മരുമകൻ: നജീർ പള്ളിക്കര തൊട്ടി.
സഹോദരങ്ങൾ: ഗഫൂർ, ബഷീർ, ബീവി, അസ്മ, പരേതനായ അബ്ദുല്ല .