കണ്ണൂർ താഴെചൊവ്വയ്ക്ക് സമീപം സ്വകാര്യ ബസ് ഇടിച്ചുതെറിപ്പിച്ച കാറിടിച്ച്‌ ബൈക്ക് യാത്രികന് ദാരുണാന്ത്യം
കണ്ണൂർ :
കണ്ണൂര്‍-തലശേരി ദേശീയപാതയില്‍ താഴെചൊവ്വയ്ക്ക് സമീപം വാഹനാപകടത്തില്‍ ബൈക്ക് യാത്രികന് ദാരുണാന്ത്യം. മടന്പം സ്വദേശി പടേട്ട് വീട്ടില്‍ പി.സി. ജോസ് (ഔസു-53) ആണ് മരിച്ചത്. വൈകുന്നേരം ദേശീയപാതയിലെ കെഎസ്‌ഇബി സബ്സ്റ്റേഷന് സമീപമായിരുന്നു അപകടം.
ദേശീയപാതയിലെ ഡിവൈഡര്‍ തീരുന്നിടത്തുനിന്ന് ബൈക്ക് യു ടേണ്‍ എടുത്ത് കണ്ണൂര്‍ ഭാഗത്തേക്ക് തിരിയുന്നതിനിടെയായിരുന്നു അപകടം. ജോസിനെ പിന്നില്‍നിന്നു വന്ന കാര്‍ ഇടിച്ചുവീഴ്ത്തുകയായിരുന്നു. കാറിനുപിന്നില്‍ സ്വകാര്യ ബസിടിച്ചതിനെ തുടര്‍ന്ന് നിയന്ത്രണം വിട്ടാണ് കാര്‍ ജോസിനെ ഇടിച്ചുവീഴ്ത്തിയത്. റോഡില്‍ തെറിച്ചുവീണ ജോസ് സംഭവസ്ഥലത്ത് മരിച്ചു.
ന്യൂസുകൾ തൽസമയം ലഭിക്കാൻ ഈ ലിങ്ക് ക്ലിക്ക് ചെയ്യൂ
About Ammus
No comments
Post a Comment