പയ്യന്നൂരിൽ സുഹൃത്തുക്കൾ തമ്മിൽ കത്തിക്കുത്ത്; ഒരാൾക്ക് ഗുരുതര പരിക്ക്
പയ്യന്നൂര്‍:
പെരിങ്ങോം പോലീസ് സ്റ്റേഷന്‍ പരിധയിലെ ചിലക് കോട്ടോലില്‍ വെച്ചാണ് സംഭവം. ഞായറാഴ്ച വൈകുന്നേരം ആറ് മണിയോടെയാണ് കോട്ടോല്‍ സ്വദേശികളായ യുവാക്കള്‍ തമ്മില്‍ വഴക്കിടുകയും കത്തി കുത്തില്‍ എത്തിച്ചേരുകയും ചെയ്തത്.
സുഹൃത്തുക്കളായ പ്രേമനും, അനീഷും ചേര്‍ന്ന് മദ്യപിച്ചുകൊണ്ടിരിക്കുമ്പോഴുള്ള വാക്ക് തര്‍ക്കമാണ് കത്തികുത്തിലെത്തിച്ചേര്‍ന്നത്. വാക്ക് തര്‍ക്കത്തിനിടയില്‍ പ്രകോപിതനായ അനീഷ് പ്രേമനെ കത്തിയെടുത്ത് കുത്തുകയായിരുന്നു. പ്രേമനെ ഗുരുതര പരിക്കുകളോടെ പരിയാരം മെഡിക്കല്‍ കോളേജില്‍ പ്രവേശിപ്പിച്ചു. അനീഷിനെതിരെ പൊലീസ് വധശ്രമത്തിന് കേസ്സെടുത്തു. അറസ്റ്റ് രേഖപ്പെടുത്തിയ പ്രതിയെ പൊലീസ് ഇന്ന് കോടതിയില്‍ ഹാജരാക്കും.
About Ammus
No comments
Post a Comment