വളപട്ടണത്ത് ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്ക്

വളപട്ടണം:
ദേശീയ പാതയിൽ ഹൈവേ ജങ്ഷനിൽ ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്ക്. അഴീക്കോട് വൻകുളത്ത് വയലിലെ അസറി(23)നാണ് പരിക്കേറ്റത്. ഇയാളെ കണ്ണൂർ എകെജി ആശുപത്രിയിൽ പ്രവേശിപ്പിച്ചു. ഇന്ന് രാവിലെ 8 മണിയോടെയായിരുന്നു അപകടം. കണ്ണൂരിൽ നിന്ന് പയ്യന്നൂരിലേക്ക് പോകുകയായിരുന്ന അശ്വിൻ ബസ്സും കണ്ണൂരിലേക്ക് പോവുകയായിരുന്ന ബൈക്കുമാണ് അപകടത്തിൽപെട്ടത്. അപകടത്തെ തുടർന്ന് ദേശീയ പാതയിൽ ഗതാഗതക്കുരുക്ക് അനുഭവപ്പെട്ടു. വളപട്ടണം പോലീസ് സ്ഥലത്തെത്തി.