അഡ്മിഷൻ ഫോമിലെ ‘ജാതി’ കോളങ്ങളിൽ ഒന്നിൽ ‘മനുഷ്യൻ’ എന്ന കോളവും; മാതൃകയായി ഒരു കോളേജ്

എല്ലാ സ്ഥാപനങ്ങളിലെയും ഫോമുകളിൽ ജാതി/മതം രേഖപ്പെടുത്താനുള്ള ഒരു കോളവും ഉണ്ടാകും. എന്നാൽ കൊൽക്കത്തയിലെ ഒരു കോളേജിൽ ജാതി/മത കോളത്തിൽ വിവിധ ജാതികൾക്കൊപ്പം ‘മനുഷ്യൻ’ എന്ന ഓപ്ഷനും ഉൾപ്പെടുത്തിയിരിക്കുകയാണ്.

കൊൽക്കത്തയിലെ ബെതുൻ കോളേജാണ് ഈ നല്ല മാറ്റത്തിന് തുടക്കം കുറിച്ചിരിക്കുന്നത്. ഹിന്ദു, ഇസ്ലാം, ക്രിസ്ത്യൻ, ജൈനിസം, ബുദ്ധിസം എന്നീ മതവിഭാഗങ്ങൾക്കൊപ്പമാണ് ‘ മനുഷ്യൻ’ എന്ന കോളവും ഉൾപ്പെടുത്തിയിരിക്കുന്നത്.