മിനിലോറിയിൽ നിന്നും ചെങ്കല്ല് റോഡിലേക്ക് വീണു വിദ്യാർത്ഥികൾ രക്ഷപെട്ടത് തലനാരിഴക്ക്

ഇരിക്കൂർ:
ചെങ്കല്ല് കയറ്റി പോകുകയായിരുന്ന മിനി ലോറിയിൽ നിന്നും  കല്ല് റോഡിലേക്ക് തെറിച്ചു വീണു.  ഇന്ന് രാവിലെ എട്ടു മണിയോടെ മണ്ണൂർ പുതിയ പാലത്തിനു സമീപമായിരുന്നു സംഭവം. ലോറിയിൽ നിന്നും  റോഡിലേക്ക്  കല്ല് തെറിച്ചു വീഴുകയായിരുന്നു.  അതേസമയം  ഈ  വഴി വന്ന  സ്കൂൾ ബസ്സ്‌ കൃത്യസമയത്തു ബ്രെക്ക് ഇട്ടതിനാൽ വൻ അപകടം ഒഴിവായി.  ഇരിക്കൂറിൽ  ചെങ്കല്ല് കയറ്റി പോകുന്ന  മിനി ലോറികൾ സ്കൂൾ സമയങ്ങളിൽ അമിതവേഗതയിൽ ചീറി പായുന്നത് പതിവാണ് . അമിത വേഗത കാരണം കഴിഞ്ഞ ദിവസം  ഇരിക്കൂറിൽ  പൊതുജനങ്ങൾ  ലോറികൾ തടഞ്ഞിരുന്നു.