കാരുണ്യ സ്പർശവുമായി ബദരിയ നഗർ അൽ മഖർ ഇംഗ്ലീഷ് സ്കൂളിലെ വിദ്യാർത്ഥികൾ

തളിപ്പറമ്പ്: 
പ്രളയ ദുരിത ബാധിതരായ വിദ്യാർത്ഥികൾക്കായി അൽ മഖർ ഇംഗ്ലീഷ് സ്കൂളിലെ കുരുന്നുകൾ ശേഖരിച്ച പഠനസാമഗ്രികൾ വിവിധ സ്കൂളുകളിൽ കൈമാറി. വിദ്യാർത്ഥികൾക്കൊപ്പം, പ്രൻസിപൽ ലത, അദ്ധ്യാപകരായ ജിംസി,അൻവർ, മുർഷിദ്, ബദറുദ്ദീൻ അമാനി, വിനോദ് എന്നിവർ ഉണ്ടായിരുന്നു.

പുണ്യ യാത്രക്കായി സ്വരുക്കൂട്ടിയ തുക മുഴുവൻ നൽകിയ ഒന്നാം ക്ലാസിലെ ഇരട്ട സഹോദരങ്ങൾ അബ്ദുള്ളയും മുഹമ്മദും,  സൈക്കിൾ വാങ്ങാനായി സ്വരൂപി ച്ച തന്റെ സമ്പാദ്യപ്പെട്ടി നൽകിയ നാലാം ക്ലാസിലെ ഇസ്മായിൽ ബഷീറും അൽ മഖറിന്റെ  കാരുണ്യ പ്രവർത്തനങ്ങൾക്ക് മാറ്റുകൂട്ടി.

ജില്ലയിലെ വിവിധ സ്ക്കൂളുകളിൽ വിതരണം ചെയ്യുന്നതിനായി തളിപ്പറമ്പ നോർത്ത് ഉപജില്ല വിദ്യാഭ്യാസ ഓഫീസർ മുസ്തഫ പൂളുക്കൂലിനെ പഠനോപകരണ ശേഖരം കൈമാറിയത് കൂടാതെ  അർഹരായ വിദ്യാർത്ഥികൾക്ക് നൽകുന്നതിനായ് ചെങ്ങളായി എ യു പി, പെരിന്തലേരി യുപി സ്കൂൾ  എച്ച് എമ്മിന് വിദ്യാർത്ഥികൾക്ക്  തന്നെ കൈമാറാൻ  കഴിഞ്ഞതിൻറെ  ചാരിതാർത്ഥ്യത്തിലാണ് ബദരിയ നഗർ അൽ മഖർ ഇംഗ്ലീഷ് സ്കൂളിലെ അധ്യാപകരും രക്ഷിതാക്കളും വിദ്യാർത്ഥികളും.