ആരോഗ്യമാസികയ്ക്കു വേണ്ടി പൂര്‍ണ്ണ നഗ്നയായി ഫോട്ടോയ്ക്ക് പോസ് ചെയ്ത് ഇംഗ്ലണ്ട് ക്രിക്കറ്റ് താരം സാറ ടെയ്‌ലര്‍

ആരോഗ്യമാസികയില്‍ പൂര്‍ണ്ണ നഗ്നയായി പ്രത്യക്ഷപ്പെട്ട് ഇംഗ്ലണ്ടിന്‍്റെ വനിതാ ക്രിക്കറ്റ് താരം സാറ ടെയ്‌ലര്‍. വനിതകളുടെ ആരോഗ്യ മാഗസിനായ 'വുമണ്‍സ് ഹെല്‍ത്തിനു വേണ്ടിയായിരുന്നു വിക്കറ്റ് കീപ്പര്‍ ബാറ്ററായ സാറയുടെ ഫോട്ടോ ഷൂട്ട്. സ്ത്രീകളുടെ മാനസികാരോഗ്യ ബോധവത്ക്കരണത്തിന്റെ ഭാഗമായായിരുന്നു സാറ ഫോട്ടോയ്ക്ക് പോസ് ചെയ്തത്.

മാഗസിന്‍്റെ പുറംപേജിലായിരുന്നു ചിത്രം പ്രത്യക്ഷപ്പെട്ടത്.

നഗ്നയായി സ്റ്റംപ് ചെയ്ത് ബെയ്ല്‍സ് ഇളക്കുന്ന ചിത്രം തന്‍്റെ ഇന്‍സ്റ്റഗ്രാമിലൂടെ സാറ തന്നെയാണ് പങ്കു വെച്ചത്. 'എന്നെ അടുത്തറിയാവുന്നവര്‍ക്ക് ഇതെന്‍്റെ കംഫര്‍ട്ട് സോണിനു പുറത്തുള്ള ഒന്നാണെന്ന് മനസ്സിലായിട്ടുണ്ടാവും. എന്നാല്‍ ഫോട്ടോയ്ക്ക് പോസ് ചെയ്യാനായതില്‍ അഭിമാനമുണ്ട്. എനിക്കെപ്പോഴും എന്‍്റെ ശരീരത്തെപ്പറ്റി ആകുലതകളുണ്ടായിരുന്നു. ഇങ്ങനെ ചെയ്യുന്നതിനായി അതില്‍ ചിലതില്‍ നിന്നൊക്കെ ഞാന്‍ പുറത്തു കടക്കേണ്ടിയിരുന്നു.'- സാറ ഇന്‍സ്റ്റഗ്രാമില്‍ കുറിച്ചു. എല്ലാ സ്ത്രീകളും സുന്ദരികളാണെന്നും മാഗസിന്‍ അധികൃതരോട് നന്ദിയുണ്ടെന്നും സാറ കൂട്ടിച്ചേര്‍ത്തു.

വനിതാ ക്രിക്കറ്റിലെ ഏറെ ശ്രദ്ധേയയായ താരങ്ങളില്‍ ഒരാളാണ് 30കാരിയായ സാറ ടെയ്‌ലര്‍. മികച്ച വിക്കറ്റ് കീപ്പര്‍ ബാറ്ററായ സാറ പലപ്പോഴും ടീമിനെ ഒറ്റക്ക് ചുമലിലേറ്റിയിട്ടുണ്ട്. വ്യക്തിപരമായ കാരണങ്ങളാല്‍ സാറ കുറച്ചുകാലമായി ക്രിക്കറ്റില്‍ നിന്ന് വിട്ടുനില്‍ക്കുകയണ്.

https://www.instagram.com/p/B1HNPvCHGPv/?igshid=kszc1kuf1ycb