വീടിനുസമീപത്ത് അനധികൃത മദ്യവിൽപ്പന ; ഒരാൾ അറസ്റ്റിൽ

തലശ്ശേരി:
വീടിനുസമീപത്ത് അനധികൃത മദ്യവിൽപ്പന നടത്തിയ ആൾ അറസ്റ്റിൽ. അണ്ടലൂർ കാവിനടുത്ത് കോമാച്ചൻകണ്ടി വീട്ടിൽ കോരമ്പത്ത് മോഹനൻ (63) ആണ് അറസ്റ്റിലായത്.
വിവരമറിഞ്ഞ് ചൊവ്വാഴ്ച രാത്രി എക്സൈസ് സംഘം സ്ഥലത്തെത്തിയെങ്കിലും ഇയാൾ മുങ്ങിക്കളഞ്ഞു.

ഇയാളോട് അടുത്ത ദിവസം എക്സൈസ് ഓഫിസിൽ ഹാജരാക്കണമെന്ന് ഉദ്യോഗസ്ഥർ വീട്ടുകാരോട് പറഞ്ഞു. ബുധനാഴ്ച രാവിലെ മോഹനൻ ഓഫിസിൽ ഹാജരായപ്പോൾ അറസ്റ്റുചെയ്യുകയായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. പെഗ് കണക്കാക്കിയാണ് ഇയാൾ മദ്യം വിറ്റിരുന്നത്.

മുൻപ് മൂന്ന് അബ്കാരി കേസുകളിൽ പ്രതിയായിരുന്നു. അറസ്റ്റ് നടപടികൾക്ക് എക്സൈസ് ഇൻസ്‌പെക്ടർ അനിൽകുമാർ നേതൃത്വം നൽകി. ഉദ്യോഗസ്ഥരായ ജോർജ് ഫെർണാണ്ടസ്, പീതാംബരൻ, യു.ഷെനിത്ത് രാജ്, കെ.കെ സമീർ, ഫൈസൽ, എം.കെ പ്രസന്ന, സുരാജ് എന്നിവരും ഉണ്ടായിരുന്നു.