ആര്‍മി റിക്രൂട്ട്മെന്‍റ് റാലി കോട്ടയത്ത്
ഡിസംബര്‍ രണ്ടു മുതല്‍ കോട്ടയം നാഗമ്ബടം നെഹ്റു സ്റ്റേഡിയത്തില്‍ കരസേനയിലേക്ക് നിയമിക്കുന്നതിനായി ആര്‍മി റിക്രൂട്ട്മെന്‍റ് ഓഫീസ്, റിക്രൂട്ട്മെന്‍റ് റാലി നടത്തും .
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലക്കാര്‍ക്കും മാഹി, ലക്ഷദ്വീപ് എന്നീ കേന്ദ്രഭരണപ്രദേശങ്ങളിലുള്ളവര്‍ക്കും പങ്കെടുക്കാം. പുരുഷന്‍മാര്‍ക്കു മാത്രമുള്ള ഒഴിവുകളാണിത്. രജിസ്റ്റര്‍ ചെയ്തവര്‍ക്കു മാത്രമേ റാലിയില്‍ പങ്കെടുക്കാന്‍ സാധിക്കൂ. ഒക്ടോബര്‍ മൂന്നു മുതല്‍ നവംബര്‍ 16 വരെ www.joinindianarmy.nic.in എന്ന വെബ് സൈറ്റിലൂടെ രജിസ്ട്രേഷന്‍ നടത്താം.
സോള്‍ജിയര്‍ ജനറല്‍ ഡ്യൂട്ടി, സോള്‍ജിയര്‍ ക്ലര്‍ക്ക്/സ്റ്റോര്‍ കീപ്പര്‍, സോള്‍ജിയര്‍ ടെക്നിക്കല്‍, സോള്‍ജിയര്‍ നഴ്സിംഗ് അസിസ്റ്റന്‍റ് വിഭാഗങ്ങളിലായാണ് അവസരം.
റാലിയില്‍ പങ്കെടുക്കുന്ന ഉദ്യോഗാര്‍ഥികള്‍ താഴെ പറയുന്ന രേഖകള്‍ സ്ക്രീനിംഗ് സമയത്ത് ഹാജരാക്കണം :
എട്ടാം ക്ലാസ്/എസ്‌എസ്‌എല്‍സി /10+2/എസ്‌എസ്‌എല്‍സി ഇന്‍റര്‍മീഡിയറ്റ്/വി.എച്ച്‌.എസ്.സി /ഐടിഐ/ബിരുദം സര്‍ട്ടിഫിക്കറ്റുകളുടെ അസല്‍ കോപ്പി. പാസ്പോര്‍ട്ട് സൈസ് കളര്‍ ഫോട്ടോ യുടെ 15 കോപ്പി . നേറ്റിവിറ്റി/സ്ഥിരതാമസം/ജാതി സംബന്ധിച്ച അസല്‍ സര്‍ട്ടിഫിക്കറ്റുകള്‍, തഹസില്‍ദാര്‍/ജില്ലാ കളക്ടര്‍ സാക്ഷ്യപ്പെടുത്തിയിരിക്കണം.
വില്ലേജ് ഓഫീസര്‍/ലോക്കല്‍ പോലീസ് സ്റ്റേഷനില്‍നിന്ന് ലഭിച്ച ആറു മാസത്തില്‍ കവിയാത്ത സ്വഭാവ സര്‍ട്ടിഫിക്കറ്റ്. വിമുക്തഭടന്‍/സര്‍വീസിലുള്ളവര്‍/വിധവകള്‍/യുദ്ധവിധവകള്‍ എന്നിവരുടെ മക്കളാണെങ്കില്‍, റിക്കാര്‍ഡ് ഓഫീസില്‍ നിന്നു ലഭിച്ച റിലേഷന്‍ഷിപ്പ് സര്‍ട്ടിഫിക്കറ്റ് എന്നിവ ഹാജരാക്കണം.
18 വയസ് തികയാത്ത ഉദ്യോഗാര്‍ഥികള്‍ രക്ഷകര്‍ത്താവിന്‍റെ സത്യവാങ്മൂലം 10 രൂപാ മുദ്രപ്പത്രത്തില്‍ ഇംഗ്ലീഷില്‍ നല്‍കണം. 21 വയസിനു താഴെയുള്ളവര്‍ അവിവാഹിതരായിരിക്കണം. എല്ലാ രേഖകളുടെയും അറ്റസ്റ്റ് ചെയ്ത മൂന്ന് ഫോട്ടോസ്റ്റാറ്റ് കോപ്പികള്‍ കരുതിയിരിക്കണം.
കൂടുതല്‍ വിവരങ്ങള്‍ www.joinindianarmy.nic.in എന്ന വെബ്സൈറ്റില്‍ ലഭിക്കും.
About Ammus
No comments
Post a Comment