ട്രെയ്ലറിനും വെറിത്തനത്തിനും പിന്നാലെ സിംഗപ്പെണ്ണിനും 1 മില്യൺ ലൈക്സ്; യൂട്യുബിലും ബിഗിൽ തന്നെ താരം

തീയറ്ററുകളിലും ബോക്സോഫീസിലും ഒന്നാമത് തന്നെ നിലകൊള്ളുന്ന വിജയ് – ആറ്റ്ലീ ചിത്രം ബിഗിൽ ഇപ്പോൾ യൂട്യുബിലും താരം തന്നെയാണ്. 2.2 മില്യൺ ലൈക്സ് നേടി റെക്കോർഡ് സ്ഥാനത്ത് നിൽക്കുന്ന ട്രെയ്ലറിനും 1.3 മില്യൺ ലൈക്സ് നേടിയ വെറിത്തനം ലിറിക്കൽ വീഡിയോക്കും ശേഷം ചിത്രത്തിലെ സിംഗപ്പെണ്ണേ ഗാനവും 1 മില്യൺ ലൈക്സ് നേടിയിരിക്കുകയാണ്. ഇതുവരെ 24 മില്യൺ വ്യൂസാണ് ഗാനത്തിനുള്ളത്.

വിവേകിന്റെ വരികൾക്ക് എ ആർ റഹ്മാൻ ഈണമിട്ട ഗാനം ആലപിച്ചിരിക്കുന്നത് എ ആർ റഹ്മാനും സാഷ തിരുപ്പതിയും ചേർന്നാണ്. സോഷ്യൽ മീഡിയയിൽ ചിത്രത്തിന്റെ റിലീസിന് മുന്നേ തരംഗമായി തീർന്നിരുന്ന ഗാനം റീലീസോട് കൂടി വേറെ ലെവലിൽ എത്തിയിരിക്കുകയാണ്. ബിഗിലിന്റെ കാതലായി നിലകൊള്ളുന്നത് തന്നെ ഈ ഗാനമാണ്. എന്തെന്നില്ലാത്ത ഒരു വൈകാരിക അടുപ്പം ആ ഗാനത്തിനോട് പ്രേക്ഷകർക്ക് തോന്നുന്നുണ്ട്. ഓസ്കാർ നേടിയ ജയ് ഹോ എന്ന ഗാനത്തിന് ശേഷം പ്രേക്ഷകരെ ഇത്ര ഇമോഷണലായി സ്പർശിച്ച മറ്റൊരു ഏ ആർ റഹ്മാൻ ഗാനമില്ലെന്ന് തന്നെ പറയാം.


www.ezhomelive.com