പോളിങ് സമയം നീട്ടി നല്‍കില്ല; ആറുമണി വരെ ക്യൂ​വി​ലു​ള്ള​വ​ര്‍​ക്കു വോ​ട്ട് ചെ​യ്യാം

തി​രു​വ​ന​ന്ത​പു​രം: സംസ്ഥാനത്തെ അഞ്ച് മണ്ഡലങ്ങളിലേക്കുള്ള ഉപതെരഞ്ഞെടുപ്പിന്റെ പോളിങ് സമയം അവസാനിച്ചു. വൈകിട്ട് ആറുമണിക്ക് ക്യൂവിലുള്ള വോട്ടർമാർക്ക് എത്ര വൈകിയാലും വോട്ടു ചെയ്യാൻ അവസരം നൽകുമെന്ന് മുഖ്യ തെരഞ്ഞെടുപ്പ് ഓഫീസർ ടി​ക്കാ​റാം മീ​ണ അറിയിച്ചു.‌ നേരത്തെ പോളിങ് സമയം നീട്ടിനല്‍കണമെന്ന് യു.ഡി.എഫ് ആവശ്യപ്പെട്ടിരുന്നു.

ബൂത്തുകളിൽ ക്യൂവിൽ നിൽക്കുന്നവർക്ക് മാത്രം വോട്ട് ചെയ്യാം . 6 മണിക്കുള്ളിൽ ക്യൂവിൽ എത്തിയവർക്ക് എത്തിയവർക്ക് മാത്രമാണ് ഇനി വോട്ട് ചെയ്യാനാവുക.

ഒരു മണ്ഡലത്തിലും പോളിങ് സമയം നീട്ടി നല്‍കില്ല. ഇതു സംബന്ധിച്ച നിർദ്ദേശം ജില്ലാ കളക്ടർമാർക്ക് നൽകിയിട്ടുണ്ടെന്നും മീ​ണ അറിയിച്ചു. വോട്ടിങ് സമയം അവസാനിക്കുന്ന ആറു മണിക്ക് ക്യൂവിലുള്ള വോട്ടർമാർക്ക് ക്രമമനുസരിച്ച് സ്ലിപ്പ് നൽകി വോട്ട് ചെയ്യാൻ അവസരം ഒരുക്കും.

മഴ കാര്യമായി ബാധിച്ച എറണാകുളം ഒഴികെ മറ്റെല്ലാ മണ്ഡലങ്ങളിലും ഭേദപ്പെട്ട പോളിങാണ് രേഖപ്പെടുത്തിയത്. 76.04 ശതമാനം രേഖപ്പെടുത്തിയ അരൂരാണ് കൂടുതല്‍ പേര്‍ വോട്ട് ചെയ്തത്. 

എ​റ​ണാ​കു​ള​ത്തു പോ​ളിം​ഗ് സ​മ​യം എ​ട്ടു മ​ണി വ​രെ​യാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് യു​ഡി​എ​ഫ് ജി​ല്ലാ ക​ള​ക്ട​ര്‍​ക്ക് ക​ത്തു ന​ല്‍​കി​യി​രു​ന്നു. ആ​വ​ശ്യ​മെ​ങ്കി​ല്‍ റീ​പോ​ളിം​ഗ് ന​ട​ത്ത​ണ​മെ​ന്നും യു​ഡി​എ​ഫ് ആ​വ​ശ്യ​പ്പെ​ട്ടു.

www.ezhomelive.com