ഓടിക്കൊണ്ടിരുന്ന ബൈക്കിന് മുകളിൽ മരം വീണ് യുവാവിന് ദാരുണാന്ത്യം
ഓടിക്കൊണ്ടിരുന്ന ബൈക്കിന് മുകളിൽ മരം വീണ് യുവാവിന് ദാരുണാന്ത്യം. ഉളിക്കൽ വട്ടിയാംതോട്ടിലെ പള്ളുരുത്തിൽ മാത്യുവിന്റെ മകൻ ജെഫിൻ പി മാത്യു (29) ആണ് മരിച്ചത്. ഇരിട്ടി – ഉളിക്കൽ റോഡിൽ ചെട്ടിയാർ പീടികക്കു സമീപം വെച്ച് വെള്ളിയാഴ്ച വൈകുന്നേരം 4 മണിയോടെ ആയിരുന്നു അപകടം. റോഡരികിലെ ഉണങ്ങിയ മരം ബൈക്കിൽ സഞ്ചരിക്കുകയായിരുന്ന ജെഫിന്റെ തലയിലേക്ക് വീഴുകയായിരുന്നു. തലയിലെ ഹെൽമെറ്റ് അടക്കം ചിന്നിച്ചിതറിയ നിലയിലായി. ജെഫിനെ ഇരിട്ടിയിലെ സ്വകാര്യ ആശുപത്രിൽ എത്തിക്കുമ്പോഴേക്കും മരണമടഞ്ഞിരുന്നു. ആമസോൺ പാർസൽ സർവ്വീസിൽ ജോലി ചെയ്ത് വരികയായിരുന്നു. ഭാര്യ: സൗമ്യ (എടൂര്‍ സെന്റ്‌മേരീസ് എല്‍ പി സ്‌കൂള്‍ അധ്യാപിക). മക്കള്‍: റിയ, ക്രിസ്റ്റി. മൃതദേഹം പോസ്റ്റ്‌മോർട്ടത്തിനായി പരിയാരം ഗവ. മെഡിക്കൽ കോളേജിലേക്ക് മാറ്റി. സംസ്‌കാരം പിന്നീട് മണിക്കടവ് സെന്റ്‌ തോമസ് പള്ളി സെമിത്തേരിയിൽ
About Ammus
No comments
Post a Comment