തളിപ്പറമ്പിലെ ഇലക്ട്രിക്കല്‍ ഷോപ്പിലെ കവര്‍ച്ച: ഒരാൾ കൂടി പിടിയില്‍
തളിപ്പറമ്പിലെ ഇലക്ട്രിക്കല്‍ ഷോപ്പില്‍ നിന്നും അഞ്ച് ലക്ഷം രൂപയുടെ സാധനങ്ങള്‍ കവര്‍ച്ച ചെയ്ത കേസില്‍ ഒരാൾ കൂടി പിടിയില്‍. ഷൊർണൂർ കാരക്കാട് പനങ്കരയിലെ പി.ടി യൂസഫാണ്‌ അറസ്റ്റിലായത്. ഈ കേസില്‍ അറസ്റ്റിലായ മുഖ്യപ്രതി കര്‍ണ്ണാടക ഹുബ്‌ളി ഹുന്‍സൂര്‍ ഫസ്റ്റ് ഹോനഗോഡു പക്ഷിരാജപുര സ്വദേശിയും ശ്രീകണ്ഠാപുരം ചെങ്ങളായില്‍ താമസക്കാരനുമായ മഞ്ചരവി (30)യിൽ നിന്നും കളവുമുതൽ കുറഞ്ഞ വിലയ്ക്ക് വാങ്ങി മറച്ചുവിൽക്കുന്നത് യൂസഫാണ്‌. മോഷണമുതൽ വാങ്ങിയതിനുശേഷം പട്ടാമ്പിയിലെ വ്യാപാരിക്ക് മറച്ചുവിൽക്കുകയാണ് ചെയ്യുന്നതെന്നും അന്വേഷണത്തിൽ തെളിഞ്ഞു. മഞ്ചരവിയെ അറസ്റ്റ് ചെയ്തതിനുശേഷം യൂസഫ് ഒളിവിലായിരുന്നു. പോലീസ് ഇയാളെ തളിപ്പറമ്പ് കോടതിയിൽ ഹാജരാക്കി.
About Ammus
No comments
Post a Comment