“ആ ഡെലിവറി റൂമിൽ നിന്ന് നീ പുറത്ത് വന്നത് ഇന്നലെ പോലെ തോന്നുന്നു”; പിറന്നാൾ ആശംസകൾ അറിയിച്ച തന്റെ പ്രിയപ്പെട്ട കൊച്ചച്ഛന് നന്ദി പറഞ്ഞ് പാത്തു

നടൻ ഇന്ദ്രജിത്തിന്റെ മകൾ പ്രാർത്ഥന ഇന്ദ്രജിത് ഇന്ന് പിറന്നാൾ ആഘോഷിക്കുകയാണ്. ഇന്ദ്രജിത്ത്-പൂർണിമ ജോടികളുടെ മകൾ എന്നതിലുപരി ചലച്ചിത്ര സിനിമാ ഗായിക എന്ന നിലയിലും ശ്രദ്ധേയ സാന്നിധ്യമാണ് പ്രാർത്ഥന ഇന്ദ്രജിത്ത്. ഇപ്പോൾ പ്രാർത്ഥന ഇന്ദ്രജിത്തിന് പിറന്നാൾ ആശംസകളുമായി രംഗത്ത് എത്തിയിരിക്കുകയാണ് പ്രാർത്ഥനയുടെ അമ്മാവനും യുവതാരവുമായ പൃഥ്വിരാജ് സുകുമാരൻ.

“പിറന്നാൾ ആശംസകൾ പാത്തു, നിന്നെ ആ ഡെലിവറി റൂമിൽ നിന്നും പുറത്ത് കൊണ്ടുവന്നത് ഇന്നലെ പോലെ തോന്നുന്നു”പൃഥ്വിരാജ് കുറിച്ചു.

പ്രാർത്ഥനയോടൊപ്പമുള്ള ചിത്രം പങ്കുവെച്ചുകൊണ്ടാണ് പൃഥ്വിരാജ് പിറന്നാൾ ആശംസകൾ അറിയിച്ചത്.ആശംസകൾക്ക് മറുപടിയായി താങ്ക്യൂ കൊച്ചച്ചാ എന്ന പ്രാർത്ഥനയും റീപ്ലേ കുറിച്ചിട്ടുണ്ട്.

സച്ചി സംവിധാനം ചെയ്യുന്ന അയ്യപ്പനും കോശിയിലുമാണ് പൃഥ്വിരാജ് ഇപ്പോൾ അഭിനയിച്ചു വരുന്നത്.ഹിറ്റ് ജോഡികളായ പൃഥ്വിരാജും ബിജു മേനോനും ഒരു ഇടവേളക്ക് ശേഷം വീണ്ടും ഒന്നിക്കുകയാണ് അയ്യപ്പനും കോശിയും എന്ന ചിത്രത്തിലൂടെ. സിനിമയുടെ ചിത്രീകരണം ഒക്ടോബർ അഞ്ചിന് അട്ടപ്പാടിയിൽ ആരംഭിച്ചു. പൃഥ്വിരാജും ബിജുമേനോനും ഒന്നിച്ചഭിനയിച്ച അനാർക്കലി എന്ന ചിത്രത്തിലൂടെ പൃഥ്വിരാജിന് വലിയൊരു ഹിറ്റ് സമ്മാനിച്ച തിരക്കഥാകൃത്തും സംവിധായകനുമായ സച്ചിയാണ് ഈ ചിത്രം അണിയിച്ചൊരുക്കുന്നത്. അനാർക്കലി എന്ന ചിത്രത്തിലെ കൂട്ടുകെട്ട് വീണ്ടും ഒന്നിച്ചപ്പോൾ പ്രേക്ഷകർക്ക് ഏറെ ആകാംഷയാണ് ഉള്ളത്. ഗോൾഡ് കോയിൻ മോഷൻ പിക്ചർസിന്റെ ബാനറിൽ രഞ്ജിത്തും പി എം ശശിധരനും ചേർന്നാണ് ഈ ചിത്രം നിർമ്മിക്കുന്നത്. അന്നാ രേഷ്മരാജൻ, സിദ്ദിഖ്, അനുമോഹൻ ജോണി ആന്റണി, അനിൽ നെടുമങ്ങാട്, തരികിട സാബു
ഷാജു ശ്രീധർ ,ഗൗരി നന്ദ തുടങ്ങിയ താരങ്ങൾ ചിത്രത്തിൽ അണിനിരക്കുന്നുണ്ട്.

www.ezhomelive.com