രാക്ഷസരാജാവിന് രണ്ടാം ഭാഗമുണ്ടാകും,കഥ മനസ്സിലുണ്ട്;മനസ്സ് തുറന്ന് വിനയൻ

2001 ആഗസ്റ്റിൽ മമ്മൂട്ടിയെ നായകനാക്കി വിനയൻ ഒരുക്കിയ ചിത്രമാണ് രാക്ഷസരാജാവ്. ചിത്രത്തിന് മികച്ച പ്രേക്ഷക സ്വീകാര്യതയാണ് അന്ന് ലഭിച്ചത്. മിനിസ്ക്രീനിൽ ഇന്നും ആരാധകർ ഏറെ ഇഷ്ടപ്പെടുന്ന ചിത്രങ്ങളിലൊന്നാണ് രാക്ഷസരാജാവ്. ചിത്രത്തിൽ ദിലീപും കാവ്യാമാധവനും പ്രധാനവേഷങ്ങളിൽ എത്തിയിരുന്നു. ഇപ്പോൾ ഈ ചിത്രത്തിന് ഒരു രണ്ടാംഭാഗം ഉണ്ടാകുമെന്ന് അറിയിക്കുകയാണ് വിനയൻ. രാക്ഷസരാജാവിന് ഒരു രണ്ടാം ഭാഗം ഉണ്ടാകുമെന്നും മമ്മൂട്ടിയെ വെച്ച് മറ്റൊരു കഥ തന്റെ മനസ്സിൽ ഉണ്ടെന്നും അത് തീർച്ചയായും നടക്കുമെന്നും വിനയൻ പറയുന്നു. അത്ഭുതദ്വീപ്, വാസന്തീം ലക്ഷ്മീം, ചാലക്കുടിക്കാരന്‍ ചങ്ങാതി തുടങ്ങിയവയെല്ലാം രണ്ടാം ഭാഗത്തിന് സാധ്യതകള്‍ ഉളള ചിത്രങ്ങൾ ആണെന്നും അദ്ദേഹം പറഞ്ഞു. മനോരമയുമായുള്ള അഭിമുഖത്തിലാണ് അദ്ദേഹം ഇതു തുറന്നു പറഞ്ഞത്.
ഇപ്പോൾ തിയേറ്ററുകളിൽ മികച്ച ജനശ്രദ്ധ നേടി മുന്നേറുന്ന ആകാശഗംഗ 2 വിനയൻ ഒരുക്കിയ ചിത്രമാണ്. ഇരുപത് വർഷങ്ങൾക്കു മുൻപ് വിനയൻ സംവിധാനം ചെയ്ത ആകാശഗംഗ എന്ന ചിത്രത്തിന്റെ രണ്ടാം ഭാഗമാണിത്. ദിവ്യഉണ്ണി അഭിനയിച്ച മായത്തമ്പുരാട്ടി ഗര്‍ഭിണിയായി മാണിക്കശേരി കോവിലകത്ത് എത്തുന്നിടത്താണ് ആകാശഗംഗ അവസാനിക്കുന്നതെങ്കില്‍ മായയുടെ മകള്‍ ആതിരയുടെ കഥയാണ് ആകാശഗംഗ-2 അവതരിപ്പിക്കുന്നത്.
www.ezhomelive.com