ഡ്രീം വേള്‍ഡ് വാട്ടര്‍ തീം പാര്‍ക്കില്‍ വന്‍ തീപിടിത്തം: 10 ലക്ഷത്തിലേറെ രൂപയുടെ നഷ്ടം
ചാലക്കുടി :
അതിരപ്പിള്ളി കാഞ്ഞിരപ്പിള്ളിയിലെ ഡ്രീം വേള്‍ഡ് വാട്ടര്‍ തീം പാര്‍ക്കില്‍ വന്‍ തീപിടിത്തം. ത്രീഡി തിയറ്റര്‍ കത്തിനശിച്ചു.
10 ലക്ഷത്തിലേറെ രൂപയുടെ നഷ്ടം കണക്കാക്കുന്നു. ചൊവ്വാഴ്ച ഉച്ചക്ക് രണ്ടിനാണ് സംഭവം. എ.സിയിലെ ഷോര്‍ട്ട് സര്‍ക്യൂട്ടാണ് കാരണമെന്നാണ് നിഗമനം.
ചാലക്കുടിയില്‍ നിന്ന് എത്തിയ ഫയര്‍ഫോഴ്സാണ് തീ അണച്ചത്. സംഭവസമയം തിയറ്ററിനകത്ത് ഓപറേറ്റര്‍മാര്‍ മാത്രമാണ് ഉണ്ടായിരുന്നത്. പാര്‍ക്കില്‍ നിരവധി സന്ദര്‍ശകരുണ്ടായിരുന്നെങ്കിലും ആര്‍ക്കും പരിക്കില്ല.
പൊടുന്നനെ തീ ആളിപ്പടരുകയായിരുന്നു. തീയറ്ററിലെ സ്ക്രീന്‍, ഇരിപ്പിടങ്ങള്‍, പ്രൊക്ടറുകള്‍ എന്നിവ പൂര്‍ണമായി കത്തിനശിച്ചു. തീയും പുകയും പാര്‍ക്കിെന്‍റ മതില്‍ക്കെട്ടിനപ്പുറത്ത് ആളിപ്പടരുന്നത് അതിരപ്പിള്ളി റോഡില്‍ നിന്ന് കാണാമായിരുന്നു. ഫയര്‍ഫോഴ്സ് ഒന്നര മണിക്കൂറോളം പണിപ്പെട്ടാണ്തീ അണച്ചത്.
ചാലക്കുടി ഫയര്‍സ്റ്റേഷനിലെ എ.എസ്.ടി.ഒ വി.വി. ബാബു, ഫയര്‍മാന്‍മാരായ വി.ആര്‍. രജീഷ്, സുമിത്ത് സുകുമാരന്‍, എസ്.എസ്. സെന്‍കുമാര്‍, ആര്‍.എസ്. രാജേഷ്, ഇലക്‌ട്രീഷ്യന്‍ എന്‍.കെ. പ്രസന്നന്‍, ടി.ഡി. ദീപു എന്നിവര്‍ രക്ഷാ പ്രവര്‍ത്തനത്തിന്നേതൃത്വം നല്‍കി.
About Ammus
ليست هناك تعليقات
إرسال تعليق