ആല്‍മരം, ആമ്പല്‍പൂവ് ഗുരുവായൂര്‍ പദ്മനാഭന്‍.. ആഹാ അന്തസ് !!! കേരളത്തനിമയില്‍ 2020നെ വരവേറ്റ് അനുശ്രീ

റിയാലിറ്റിഷോയിലൂടെ മലയാള സിനിമയിലേക്കെത്തിയ നായികമാര്‍ നിരവധിയാണ്. പക്ഷേ എല്ലാവര്‍ക്കും മുന്‍നിര നായികമാരെ പോലെ ശോഭിക്കാന്‍ അത്രക്കങ്ങ് സാധിച്ചിട്ടില്ല. പക്ഷേ രാജശ്രീ എന്ന കഥാപാത്രത്തെ അവതരിപ്പിച്ച് അരുണേട്ടാ എന്ന വിളിയിലൂടെ മലയാളികളുടെ മനസ്സില്‍ കയറിക്കൂടിയ താരമാണ് അനുശ്രീ.

ലാല്‍ ജോസ് സംവിധാനം ചെയ്ത ഡയമണ്ട് എന്ന ചിത്രത്തിലൂടെയാണ് താരം മലയാള സിനിമയിലേക്ക് അരങ്ങേറ്റം കുറിച്ചത്. ഡയമണ്ട് നെക്ലേസ് തൊട്ട് പ്രതി പൂവന്‌കോഴി വരെ എത്തി നില്ക്കുകയാണ് അനുശ്രീയുടെ സിനിമാ ജീവിതം. മലയാളത്തിലെ മുന്‍നിര നായകന്മാരുടെ നായികയായി താരം ഇതിനോടകം തിളങ്ങികഴിഞ്ഞു. സോഷ്യല്‍ മീഡിയയില്‍ വളരെ സജീവമായ അനുശ്രീ തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.

ഇപ്പോഴിതാ താരത്തിന്റെ ഏറ്റവും പുതിയ ഫോട്ടോഷൂട്ട് ആണ് പ്രേക്ഷകഹൃദയം കീഴടക്കുന്നത്. ഗ്ലാമര്‍ ഫോട്ടോ ഷൂട്ടില്‍ തിളങ്ങുന്ന നടിമാരുടെ ഫോട്ടോഷൂട്ടിന് കിട്ടാത്ത റീച്ചാണ് താരത്തിന് ഇപ്പോള്‍ ലഭിച്ചിരിക്കുന്നത്. പട്ടുപാവാടയും ആമ്പല്‍പൂവും പദ്മനാഭനും എല്ലാമായി മലയാളികളുടെ ഹൃദയം കവരുകയാണ് അനുശ്രീയിപ്പോള്‍. 2020 പുതുവര്‍ഷം പിറക്കുമ്പോള്‍ പുതുവത്സര ആശംസകളും താരം ആരാധകര്‍ക്കായി നല്‍കിയിട്ടുണ്ട് . ഈ മനോഹരമായ ചിത്രങ്ങള്‍ പകര്‍ത്തിയിരിക്കുന്നത് നിതിന്‍ നാരായണനാണ.് ചിത്രത്തോടൊപ്പം എല്ലാവര്‍ക്കും പുതുവത്സരാശംസകളും കുറിച്ചിട്ടുണ്ട്. മഞ്ജുവാര്യര്‍ നായികയായ പ്രതി പൂവന്‍കോഴി യിലാണ് അനുശ്രീ ഏറ്റവും ഒടുവില്‍ അഭിനയിച്ചത്. ചിത്രം പ്രേക്ഷക ശ്രദ്ധ നേടി തീയേറ്ററില്‍ മുന്നേറുകയാണ.

www.ezhomelive.com