20 കാരിയെ ഡാന്‍സ് ക്ലാസില്‍ വച്ച്‌ പീഡിപ്പിച്ചു; സിനിമാ കോറിയോഗ്രാഫര്‍ അറസ്റ്റില്‍
ബെംഗളൂരു:
ഡാന്‍സ് സ്കൂളിലെ 20 കാരിയായ വിദ്യാര്‍ത്ഥിനിയെ പാനീയത്തില്‍ മയക്കുമരുന്ന് ചേര്‍ത്ത് ബോധം കെടുത്തി പീഡിപ്പിച്ച സംഭവത്തില്‍ കന്നട സിനിമാ കോറിയോഗ്രാഫര്‍ അറസ്റ്റില്‍. നിരവധി കന്നട സിനിമകള്‍ക്കും റിയാലിറ്റിഷോകള്‍ക്കും നൃത്തസംവിധാനം നിര്‍വ്വഹിച്ച പവന്‍(28) ആണ് അറസ്റ്റിലായത്.
മൂന്ന് വര്‍ഷത്തോളമായി ബെംഗളൂരു നാഗര്‍ഭാവിയിലുള്ള ഇയാളുടെ ഡാന്‍സ് സ്കൂളിലെ വിദ്യാര്‍ത്ഥിനിയാണ് പെണ്‍കുട്ടി. ജനുവരി 13 ന് രാവിലെ ഇയാള്‍ പെണ്‍കുട്ടിയെ ഫോണില്‍ വിളിക്കുകയും കന്നട സിനിമയിലെ പ്രശസ്ത നടന്‍ അഭിനയിക്കുന്ന സിനിമയില്‍ പ്രധാന റോള്‍ നല്‍കാമെന്ന് വ്യാജ വാഗ്ദാനം ചെയ്യുകയുമായിരുന്നു. അതിനുവേണ്ടി ഓഡീഷന്‍ ഉണ്ടാവുമെന്നും കുറച്ചു ഫോട്ടോ ഷൂട്ട് ആവശ്യമായിവരുമെന്നുമറിയിച്ചു. അതുപ്രകാരം ഇയാള്‍ കാറുമായി പെണ്‍കുട്ടിയുടെ കെങ്കേരിയിലുള്ള വീട്ടിലെത്തി ഡാന്‍സ് സെന്‍ററിലേയ്ക്ക് കൂട്ടികൊണ്ടുവരികയും ചെയ്തു.
പിന്നീട് പവന്‍ കുറച്ചു നേരം ഫോണില്‍ സംസാരിക്കുകയും സിനിമയിലെ റോളിന്റെ കാര്യം സംവിധായകന്‍ സമ്മതിച്ചതായി പെണ്‍കുട്ടിയെ അറിയിക്കുകയും ചെയ്തു. കുറച്ചുസമയത്തിനുള്ളില്‍ ഫോട്ടോഷൂട്ട് നടത്താമെന്നും പറഞ്ഞു. ഇയാള്‍ മൊബൈലില്‍ അശ്ലീല വീഡിയോകള്‍ കാണിക്കാന്‍ തുടങ്ങിയതോടെ ഭയന്ന പെണ്‍കുട്ടി ഡാന്‍സ് സെന്‍ററിലെ വിദ്യാര്‍ത്ഥി സുഹൃത്തിനെ ഫോണില്‍ വിളിക്കുകയും ഉടനെ എത്തണമെന്നറിയിക്കുകയും ചെയ്തു. പക്ഷേ ഇയാള്‍ പെണ്‍കുട്ടിയുടെ ഫോണ്‍ പിടിച്ചുവാങ്ങി വിദ്യാര്‍ത്ഥിയെ തിരിച്ച്‌ വിളിക്കുകയും ഫോട്ടോഷൂട്ടുള്ളതിനാല്‍ അര മണിക്കൂര്‍ കഴിഞ്ഞ് വന്നാല്‍ മതിയെന്നറിയിക്കുകയുമായിരുന്നു.
പിന്നീട് ഇയാള്‍ മയക്കുമരുന്ന് ചേര്‍ത്ത പാനീയം നല്‍കി പെണ്‍കുട്ടിയെ പീഡിപ്പിക്കുകയായിരുന്നുവെന്ന് പൊലീസ് പറഞ്ഞു. ഉണര്‍ന്നതിനുശേഷം താന്‍ പീഡിപ്പിക്കപ്പെട്ടതായി മനസ്സിലാക്കിയ പെണ്‍കുട്ടി വീട്ടിലെത്തി സംഭവം രക്ഷിതാക്കളെ അറിയിക്കുകയും പൊലീസില്‍ പരാതി നല്‍കുകയുമായിരുന്നു. പെണ്‍കുട്ടി പീഡിപ്പിക്കപ്പെട്ടതായി മെഡിക്കല്‍ പരിശോധനയില്‍ തെളിഞ്ഞതായും സംഭവത്തില്‍ കേസെടുത്ത നാഗര്‍ഭാവി പൊലീസ് പറഞ്ഞു.
About Ammus
No comments
Post a Comment