മുൻമന്ത്രി എം കമലം അന്തരിച്ചു

മുൻ മന്ത്രിയും കോൺഗ്രസിന്റെ മുതിർന്ന നേതാവുമായ എം കമലം (96) അന്തരിച്ചു. വാർധക്യസഹജമായ അസുഖങ്ങളെ തുടർന്ന് കോഴിക്കോട്ടെ വസതിയിലായിരുന്നു അന്ത്യം. 1982-87ൽ കരുണാകരൻ മന്ത്രിസഭയിൽ സഹകരണ വകുപ്പ് മന്ത്രിയായിരുന്നു. 6, 7 കേരള നിയമസഭകളിലും അംഗമായി. വനിതാ കമ്മിഷൻ ചെയർപേഴ്സൺ, എഐസിസി അംഗം, കെപിസിസി ജനറൽ സെക്രട്ടറി, വൈസ് പ്രസിഡന്റ് എന്നീ നിലകളിൽ പ്രവർത്തിച്ചു. ഇന്ദിരഗാന്ധിയുമായി അടുത്ത ബന്ധമുണ്ടായിരുന്നു.