കതിരൂരിൽ പൊലിസിനു നേരെ ബോംബേറ്

കതിരൂർ പോലീസ് സ്റ്റേഷൻ പരിധിയിൽ പൊന്ന്യം നായനാർ റോഡിലാണ് ബോംബേറ് നടന്നത് . ബോംബെറിയുന്ന - രംഗങ്ങൾ തൊട്ടടുത്തുള്ള സി സി ടി വി ദൃശ്യങ്ങളിൽ നിന്നും കതിരൂർ പോലീസിന് ലഭിച്ചിട്ടുണ്ട് . കണ്ടാലറിയാവുന്ന അക്രമികൾക്കെതിരെ പോലീസ് കേസെടുത്തിട്ടുണ്ട് .

രാഷ്ട്രീയ സംഘർഷം നിലനിൽക്കുന്ന പ്രദേശത്തെ പോലീസ് പിക്കറ്റ് പോസ്റ്റിന് നേരെയാണ് വ്യാഴാഴ്ച്ച പുലർച്ചെ ബോംബേറുണ്ടായത്കണ്ടാലറിയാവുന്ന അക്രമികൾക്കെതിരെ പോലീസ് കേസെടുത്തിട്ടുണ്ട് . - ഏറെ നാളായി ഈ പ്രദേശത്ത് രാഷ്ട്രീയ സംഘർഷങ്ങൾ നിലനിൽക്കുന്നതിനാൽ പോലീസ് പിക്കറ്റ് പോസ്റ്റ് ഏർപ്പെടുത്തിയിരുന്നു .

കതിരൂർ പോലീസ് സ്റ്റേഷനിലെ സി . പി . ഒ . മാരായ അരുൺ , മഹേഷ് കുമാർ എന്നിവരായിരുന്നു സംഭവ ദിവസം ഇവിടെ ഡ്യൂട്ടിയിൽ ഉണ്ടായിരുന്നത് . പോലീസ് പിക്കറ്റ് പോസ്റ്റിനടുത്ത് തന്നെയാണ് സ് ഫോടനം നടന്നത് . ബോംബ് പൊട്ടുന്നതിന് മുമ്പ് ഏതാനും മിനിറ്റുകൾക്ക് മുമ്പാണ് റോഡിൽ നിന്നും പോലീസുകാർ പിക്കറ്റ് പോസ്റ്റിൽ തിരികെ എത്തിയിരുന്നത് . പോലീസുകാരെ ബോംബെറിഞ്ഞ് അപായപ്പെടുത്താനുള്ള ശ്രമമാണ് നടന്നതെന്നാണ് ആരോപണം .