മൈ​ക്ക​ല്‍ ലെ​വി​റ്റി​നെ ത​ട​ഞ്ഞ​ത് സാ​മൂ​ഹി​ക​വി​രു​ദ്ധ​ര്‍: ടൂ​റി​സം മ​ന്ത്രി ക​ട​കം​പ​ള​ളി

ആ​ല​പ്പു​ഴ: ആ​ല​പ്പു​ഴ​യി​ല്‍ നൊ​ബേ​ല്‍ ജേ​താ​വ് മൈ​ക്ക​ല്‍ ലെ​വി​റ്റി​നെ​യും കു​ടും​ബ​ത്തെ​യും ത​ട​ഞ്ഞ​ത് സാ​മൂ​ഹി​ക​വി​രു​ദ്ധ​രെ​ന്ന് ടൂ​റി​സം മ​ന്ത്രി ക​ട​കം​പ​ള​ളി സു​രേ​ന്ദ്ര​ന്‍. ഒ​റ്റ​പ്പെ​ട്ട സം​ഭ​വ​മാ​ണ് ന​ട​ന്ന​തെ​ന്നും ക​ര്‍​ശ​ന​മാ​യ ന​ട​പ​ടി​യു​ണ്ടാ​കു​മെ​ന്നും മ​ന്ത്രി പ​റ​ഞ്ഞു.

ലെ​വി​റ്റ് സ​ര്‍​ക്കാ​ര്‍ അ​തി​ഥി​യാ​യാ​ണ് കേ​ര​ള​ത്തി​ല്‍ എ​ത്തി​യ​ത്. പ്ര​ദേ​ശ​ത്തു​ള്ള ചി​ല സാ​മൂ​ഹി​ക വി​രു​ദ്ധ​രാ​ണ് അ​ദ്ദേ​ഹ​ത്തെ ത​ട​ഞ്ഞു​വ​ച്ച​ത്. സം​ഭ​വം പോ​ലീ​സ് അ​ന്വേ​ഷി​ക്കും. സു​ര​ക്ഷാ വീ​ഴ്ച ഉ​ള്‍​പ്പെ​ടെ​യു​ള​ള കാ​ര്യ​ങ്ങ​ളും പ​രി​ശോ​ധി​ക്കു​മെ​ന്നും ക​ട​കം​പ​ള​ളി സു​രേ​ന്ദ്ര​ന്‍ പ​റ​ഞ്ഞു.
 
രണ്ടുമണിക്കൂര്‍ നേരം മൈക്കല്‍ ലെവിറ്റ് സഞ്ചരിച്ച ഹൗസ് ബോട്ട് പണിമുടക്ക് അനുകൂലികള്‍ തടഞ്ഞുവെച്ചു എന്ന തരത്തിലാണ് വാര്‍ത്തകള്‍ പുറത്തുവന്നത്. ഇത് വിവാദമായ പശ്ചാത്തലത്തിലാണ് മന്ത്രിയുടെ പ്രതികരണം. 

സംഭവത്തില്‍ കണ്ടാലറിയാവുന്ന ഏതാനും പേര്‍ക്കെതിരെ പുളിങ്കുന്ന് പോലീസ് കേസെടുത്തു. സഞ്ചാര സ്വാതന്ത്ര്യം തടഞ്ഞതിനാണ് കേസ് രജിസ്റ്റര്‍ ചെയ്തിരിക്കുന്നത്.

അതേസമയം വിനോദ സഞ്ചാരത്തെ സമരത്തില്‍ നിന്ന് ഒഴിവാക്കിയെന്ന് പറഞ്ഞിട്ടും തന്നെ തടഞ്ഞത് നിയമവിരുദ്ധമെന്ന് മൈക്കില്‍ ലെവിറ്റ് പ്രതികരിച്ചു. സര്‍ക്കാര്‍ അതിഥിയെ തടഞ്ഞത് വിനോദസഞ്ചാരത്തിനും കേരളത്തിനും ചേരാത്ത നടപടിയാണെന്നും ലെവിറ്റ് കുറ്റപ്പെടുത്തി.