അരിപ്പാറ വെള്ളച്ചാട്ടത്തില്‍ വീണ് വിദ്യാര്‍ത്ഥി മരിച്ചു

കോഴിക്കോട്: വിനോദസഞ്ചാരത്തിന് എത്തിയ എന്‍ ഐ ടി വിദ്യാര്‍ത്ഥി അരിപ്പാറ വെള്ളച്ചാട്ടത്തില്‍ വീണ് മുങ്ങി മരിച്ചു. കോട്ടയം സ്വദേശി കാര്‍ത്തിക് പ്രകാശ് ആണ് മരിച്ചത്. ഇന്ന് ഉച്ചയോടെയാണ് അപകടം നടന്നത്.

കുന്ദമംഗലം ഐ ഐ എം കോളേജില്‍ നിന്ന് ആറ് പേരടങ്ങുന്ന സംഘമാണ് ഇന്ന് രാവിലെ തിരുവമ്പാടി അരിപ്പാറ വെള്ളച്ചാട്ടം കാണാന്‍ എത്തിയത്. വെള്ളച്ചാട്ടത്തിലെക്ക് ഇറങ്ങിയ കാര്‍ത്തിക് ഒഴുക്കില്‍പെടുകയായിരുന്നു. 

തിരുവമ്പാടി പോലീസ്, മുക്കം ഫയര്‍ ഫോഴ്‌സ് സംഭവ സ്ഥലത്തെത്തി. മൃതദേഹം കോഴിക്കോട് മെഡിക്കല്‍ കോളേജിലേക്ക് മാറ്റി.