തളിപ്പറമ്പ് ദേശീയപാതയിൽ കാറും ബസും കൂട്ടിയിടിച്ച് ഏഴ് കാർ യാത്രികർക്ക് പരിക്ക് , രണ്ടുപേരുടെ നില ഗുരുതരം

തളിപ്പറമ്പ് : ദേശീയപാതയിൽ കാറും ബസും കൂട്ടിയിടിച്ച് ഏഴ് കാർ യാത്രികർക്ക് പരിക്ക് , രണ്ടുപേരുടെ നില അതീവ ഗുരുതരം . . കാറിലുണ്ടായിരുന്ന സുധാകരൻ ( 50 ) , ഭാര്യ സജ് ( 42 ) , മകൾ അനുശ്രീ ( 14 ) , സുധാകരന്റെ സഹോദരൻ രാജീവൻ ( 46 ) ,രാജീവന്റെ ഭാര്യ കവിത ( 36 ) മക്കളായ ദേവാങ്ക് ( 14 ) , ദേവിന ( 12 ) എന്നിവർക്കാണ് പരിക്ക് . സുധാകരന്റെയും അനുശ്രീയുടെയും പരിക്ക് അതീവ ഗുരുതരമാണ് . എല്ലാവരേയും കണ്ണൂർ ഗവ . മെഡിക്കൽ കോളജിൽ പ്രവേശിപ്പിച്ചിട്ടുണ്ട് . പരിയാരം എസ് ഐ ടി , രവീന്ദ്രന്റെ നേതൃത്വത്തിൽ പോലീസ് സ്ഥലത്തെത്തിയാണ് പരിക്കേറ്റവരെ ആശുപത്രിയിലെത്തിച്ചത് . അപകടത്തെതുടർന്ന് ദേശീയപാതയിൽ അരമണിക്കൂറോളം വാഹനഗതാഗതം മുടങ്ങി .പരിയാരം പോലീസ് പരിധിയിൽ ചുടല - കൊത്തിക്കുഴിച്ചപാറയിലെ ഒമേഗ ഫർണിച്ചർ കടക്ക് മുന്നിൽ ഇന്ന് വൈകുന്നേരം ആറരക്കാണ് അപകടം . പട്ടുവം മുള്ളൂലിൽ നിന്ന് പരിയാരത്തേക്ക് പോകുകയായിരുന്ന കാറിൽ തലശേരിയിലേക്ക് പോകുകയായിരുന്ന സോണിക്ക് എന്ന സ്വകാര്യ ബസ് ഇടിച്ചാണ് അപകടം