സെക്കന്റുകൾക്കുള്ളിൽ പൊളിഞ്ഞ് വീഴുക നിയമലംഘനത്തിന് മേൽ കെട്ടിപ്പൊക്കിയ അമിതവിശ്വാസം

കൊച്ചി: രാ​ജ്യം ക​ണ്ട ഏ​റ്റ​വും വ​ലി​യ കെ​ട്ടി​ട​സ​മു​ച്ച​യം പൊ​ളി​ക്ക​ലി​ന് ഇന്ന് കേരളം സാക്ഷിയാകും.  എ​റ​ണാ​കു​ളം ജി​ല്ല​യി​ലെ മ​ര​ട് ന​ഗ​ര​സ​ഭയിൽ തീരദേശ പരിപാലന നിയമം ലംഘിച്ച കെട്ടിട സമുച്ചയങ്ങൾ ‍ഇ​ന്നും നാ​ളെ​യുമായി തകർന്ന് വീഴുമ്പോൾ, തകർന്ന് വീഴുന്നത് പണത്തിന്റെ മേൽ കെട്ടിപ്പൊക്കിയ നിയമ ലംഘനം കൂടിയാണ്. ഇത് പരിസ്ഥിതി സ്നേഹികൾക്ക് നൽകുന്ന ആശ്വാസവും പ്രതീക്ഷയും ചെറുതല്ല.

ഹോ​ളി​ഫെ​യ്ത്ത് എ​ച്ച്‌.​ടു.​ഒ, ആ​ല്‍​ഫ സെ​റീ​ന്‍ ഇ​ര​ട്ട ട​വ​ര്‍, ഗോ​ള്‍​ഡ​ന്‍ കാ​യ​ലോ​രം, ജ​യി​ന്‍ കോ​റ​ല്‍ കേ​വ് എ​ന്നീ ഫ്ലാ​റ്റ് സ​മു​ച്ച​യ​ങ്ങ​ള്‍ നി​യ​ന്ത്രി​ത സ്ഫോ​ട​ന​ത്തി​ലൂ​ടെ കോ​ണ്‍​ക്രീ​റ്റ് അ​വ​ശി​ഷ്​​ടം മാത്രമാകും. ശ​നി​യാ​ഴ്​​ച ത​ക​ര്‍​ന്ന​ടി​യു​ക ഹോ​ളി​ഫെ​യ്ത്തും ആ​ല്‍​ഫ സെ​റീ​നു​മാ​ണ്. ഞാ​യ​റാ​ഴ്ച കാ​യ​ലോ​ര​വും ജ​യി​നും മണ്ണടിയും. 

മരടിലെ ഫ്ലാറ്റ് കയ്യേറ്റം കണ്ടുപിടിക്കാൻ സു​പ്രീം​കോ​ട​തി നി​യോ​ഗി​ച്ച ത​ദ്ദേ​ശ സെ​ക്ര​ട്ട​റി, ജി​ല്ല ക​ല​ക്ട​ര്‍, മ​ര​ട് ന​ഗ​ര​സ​ഭ സെ​ക്ര​ട്ട​റി എ​ന്നി​വ​ര​ട​ങ്ങു​ന്ന സ​മി​തി ഫ്ലാറ്റുകൾ സി.​ആ​ര്‍.​ഇ​സ​ഡ് ത്രീ​യി​ലാ​ണെ​ന്ന്​ ചൂ​ണ്ടി​ക്കാ​ട്ടി റി​പ്പോ​ര്‍​ട്ട് ന​ല്‍​കി. ഇതോടെ, മേ​യ് എ​ട്ടി​ന് ജ​സ്​​റ്റി​സ് അ​രു​ണ്‍ മി​ശ്ര​യാണ് ചരിത്ര പ്രധാനമായ ഫ്ലാറ്റ് പൊളിക്കൽ വിധി പ്രഖ്യാപിച്ചത്. രാജ്യത്ത് തന്നെ ഏറ്റവും വലിയ പൊളിച്ച് നീക്കലാണ് ഇതോടെ കേരളത്തിന്റെ മണ്ണിൽ നടക്കാൻ വഴി ഒരുങ്ങിയത്. 

എന്നാൽ, ഇ​തിെ​ന​തി​രെ താ​മ​സ​ക്കാ​രും രാ​ഷ്​​ട്രീ​യ​പാ​ര്‍​ട്ടി​ക​ളും സ​ര്‍​ക്കാ​റും പ​ല ത​വ​ണ എ​തി​ര്‍​പ്പു​മാ​യി എ​ത്തി​യെ​ങ്കി​ലും വി​ല​പ്പോ​യി​ല്ല. സം​സ്ഥാ​ന​ത്തെ നി​യ​മ​ലം​ഘ​ന‍ങ്ങ​ള്‍ ചൂ​ണ്ടി​ക്കാ​ട്ടി, പൊ​ളി​ക്ക​ണ​മെ​ന്ന അ​ന്ത്യ​ശാ​സ​നം ജ​സ്​​റ്റി​സ് അ​രു​ണ്‍ മി​ശ്ര ആ​വ​ര്‍​ത്തി​ച്ച​തോ​ടെ പ്ര​തി​ഷേ​ധി​ച്ച​വ​രെ​ല്ലാം പിന്മാറുകയായിരുന്നു. ഇതോടുകൂടി പൊളിക്കാനുള്ള നടപടികൾ സർക്കാർ വേഗത്തിലാക്കി.

നാ​ല് ഫ്ലാ​റ്റു​ക​ളി​ലെ 350ലേ​റെ കു​ടും​ബ​ങ്ങ​ളെ പു​ന​ര​ധി​വ​സി​പ്പി​ച്ചും ന​ഷ്​​ട​പ​രി​ഹാ​ര ന​ട​പ​ടി​ക്ര​മ​ങ്ങ​ള്‍ തു​ട​ങ്ങി​യും പൊ​ളി​ക്ക​ല്‍ ന​ട​പ​ടി​ക​ള്‍​ക്ക് വേ​ഗ​മേ​റി. നേ​തൃ​ത്വം ന​ല്‍​കാ​ന്‍ ‍സ​ബ് ക​ല​ക്ട​ര്‍ സ്നേ​ഹി​ല്‍ കു​മാ​ര്‍ സി​ങി​​ന്റെ നേ​തൃ​ത്വ​ത്തി​ലു​ള്ള സാ​ങ്കേ​തി​ക സ​മി​തി​യെ നി​ശ്ച​യി​ച്ചു. ഇ​തി​നി​ടെ അ​ന​ധി​കൃ​ത ഫ്ലാ​റ്റ് നി​ര്‍​മി​ച്ച​വ​ര്‍​ക്കെ​തി​രെ​യും അ​നു​മ​തി ന​ല്‍​കി​യ പ​ഞ്ചാ​യ​ത്ത് ഭ​ര​ണ​സ​മി​തി, ഉ​ദ്യോ​ഗ​സ്ഥ വൃ​ന്ദ​ങ്ങ​ള്‍​ക്കെ​തി​രെ​യു​മു​ള്ള ക്രൈം​ബ്രാ​ഞ്ച് അ​ന്വേ​ഷ​ണ​വും പു​രോ​ഗ​മി​ക്കു​ന്നു.