അഭിനയിച്ച മൂന്ന് ചിത്രങ്ങളും ബ്ലോക്ക്ബസ്റ്റർ; പുതുറെക്കോർഡ് കുറിച്ച് മാത്യു തോമസ്

കുമ്പളങ്ങി നൈറ്റ്സ് എന്ന ചിത്രത്തിലെ മാത്യു തോമസിന്റെ പ്രകടനം കണ്ട് അത്ഭുതപ്പെടുത്തിയ പ്രേക്ഷകരെ വീണ്ടും ഞെട്ടിച്ചു കൊണ്ടാണ് മാത്യു തണ്ണീർമത്തൻ ദിനങ്ങളിലൂടെ എത്തിയത്. ഇപ്പോഴിതാ വിജയകരമായി പ്രദർശനം തുടരുന്ന അഞ്ചാം പാതിരാ കൂടിയായപ്പോൾ മാത്യുവിന്റെ കരിയറിലെ മൂന്നാമത്തെ ചിത്രവും ബ്ലോക്ക്ബസ്റ്ററായിരിക്കുന്നു. തൃപ്പൂണിത്തുറ തിരുവാങ്കുളം തുരുത്തിയിൽ ബിജു ജോണിന്റെയും സൂസൻ മാത്യുവിന്റെയും മകനാണ് മാത്യു. സിനിമയിലേക്ക് തികച്ചും അപ്രതീക്ഷിതമായിട്ടാണ് മാത്യു എത്തിച്ചേർന്നത്. ഗ്രിഗോറിയോസ് പബ്ലിക് സ്കൂളിൽ പഠിക്കുന്ന മാത്യു സ്കൂളിൽ വെച്ച് നടന്ന കുമ്പളങ്ങി നൈറ്റ്സ് ഓഡിഷനിൽ വെറുതെ പോയി പങ്കെടുത്തതാണ്. അവിടെ നിന്നും മാത്യുവിന് പിന്നീട് തിരിഞ്ഞു നോക്കേണ്ടി വന്നിട്ടില്ല. മമ്മൂട്ടി നായകനാകുന്ന വൺ ആണ് മാത്യുവിന്റെ പുതിയ ചിത്രം.
പൊലീസുകാരെ മാത്രം ഉന്നം വെക്കുന്ന സീരിയൽ കില്ലറിന് പിന്നാലെയുള്ള അന്വേഷണമാണ് അഞ്ചാം പാതിരാ. മിഥുൻ മാനുവൽ തോമസിന്റെ ആദ്യ ത്രില്ലർ ചിത്രം കൂടിയാണിത്. അന്യഭാഷാ ത്രില്ലറുകൾ ആവേശത്തോടെ സ്വീകരിച്ചിട്ടുള്ള മലയാളികൾക്ക് ഇനി അഭിമാനത്തോടെ എടുത്തുകാണിക്കാവുന്ന ചിത്രമാണ് അഞ്ചാം പാതിരാ. ആഷിക്ക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക്ക് ഉസ്മാൻ നിർമിക്കുന്ന ചിത്രത്തിന്റെ ക്യാമറ കൈകാര്യം ചെയ്യുന്നത് ഷൈജു ഖാലിദാണ്. ഉണ്ണി മായ നായികയാവുന്ന ആദ്യ ചിത്രം കൂടിയാണിത്. ഷറഫുദ്ദീൻ, ശ്രീനാഥ് ബാസി, ഇന്ദ്രൻസ്, രമ്യ നമ്പീശൻ, ജിനു ജോസഫ് തുടങ്ങിയവർ കേന്ദ്ര കഥാപാത്രങ്ങളാവുന്ന ചിത്രത്തിന്റെ ക്യാമറ കൈകാര്യം ചെയ്യുന്നത് ഷൈജു ഖാലിദാണ്. സുഷിൻ ശ്യാം ആണ് സംഗീതം.
www.ezhomelive.com