ഒരേ മനസ്സായി കൈകോർത്ത് ഭാമയും അരുണും; നടി ഭാമയുടെ വിവാഹ നിശ്ചയ ചിത്രങ്ങൾ കാണാം [PHOTOS]
പ്രേക്ഷകരുടെ പ്രിയ നായിക ഭാമയുടെ വിവാഹ നിശ്ചയം കഴിഞ്ഞു. കൊച്ചിയിലെ മദ റിസോട്ടില് വെച്ചെടുത്ത വിവാഹനിശ്ചയചിത്രങ്ങള് പങ്കുവെച്ചിരിക്കുകയാണ് നടി. വ്യവസായിയായ അരുണാണ് വരൻ, ചെന്നിത്തല സ്വദേശിയാണ്. ഒരു അഭിമുഖത്തിലാണ് തന്റെ വിവാഹകാര്യം ഭാമ നേരത്തെ പുറത്തു പറഞ്ഞത്.
പ്രണയവിവാഹമല്ലെന്നും വീട്ടുകാർ പറഞ്ഞുറപ്പിച്ച വിവാഹമാണെന്നും അഭിമുഖത്തിനിടയിൽ ഭാമ പറഞ്ഞിരുന്നു. വിവാഹം ഉറപ്പിച്ചതിനു ശേഷമുള്ള പ്രണയം പ്രത്യേക അനുഭവമാണെന്നും ഭാമ. അരുൺ എന്നു പേരുള്ള സഹോദരിയുടെ ഭർത്താവും പ്രതിശ്രുത വരനും ഒരുമിച്ചു പഠിച്ചവരും കുടുംബ സുഹൃത്തുക്കളുമാണ്. കാനഡയിൽ തന്നെ ജോലി ചെയ്യുന്ന ഇരുവരും തമ്മിലെ ബന്ധമാണ് അരുണിലേക്കു തന്നെ അടുപ്പിച്ചതെന്നും ഭാമ പറയുന്നു.
ലോഹിതദാസിന്റെ നിവേദ്യം എന്ന സിനിമയിലൂടെ നായികയായി എത്തിയ താരമാണ് ഭാമ. ഇവര് വിവാഹിതരായാല്, വണ്വേ ടിക്കറ്റ് തുടങ്ങി ഒട്ടേറെ മലയാള ചിത്രങ്ങളിള് നായികയായും ശ്രദ്ധേയ കഥാപാത്രങ്ങളായും അഭിനയിച്ചിട്ടുണ്ട്. തമിഴ്, കന്നഡ സിനിമകളിലും, ഇംഗ്ലീഷ് സിനിമകളിലും അഭിനയിച്ചിട്ടുണ്ട്. 2016ലെ മറുപടിയാണ് ഭാമ നായികയായി ഏറ്റവും ഒടുവില് പ്രദര്ശനത്തിന് എത്തിയ ചിത്രം.
www.ezhomelive.com
ليست هناك تعليقات
إرسال تعليق