വിജയ്‌ക്കൊപ്പം അഭിനയിക്കുവാൻ തയ്യാറാണോ? തെലുങ്ക് സൂപ്പർസ്റ്റാർ മഹേഷ് ബാബുവിന്റെ മറുപടി ഇങ്ങനെ [VIDEO]
തെലുങ്ക് താരം മഹേഷ് ബാബുവിന്റെ ഒക്കുടു, പോക്കിരി എന്നീ ചിത്രങ്ങളുടെ റീമേക്കുകളിലൂടെയാണ് തമിഴ് സിനിമാലോകത്ത് തന്റേതായ ഒരു സ്ഥാനം നേടിയെടുക്കുവാൻ വിജയ് തുടക്കം കുറിച്ചത്. 2003-ല്‍ പുറത്തിറങ്ങിയ ഒക്കുടു എന്ന മഹേഷ് ബാബു ചിത്രത്തിന്റെ തമിഴ് റീമേക്ക് ആയ ഗില്ലിയാണ് വിജയ്‌യെ ഒരു മാസ് ഹീറോ എന്ന സ്ഥാനത്ത് ഊട്ടിയുറപ്പിച്ചത്. തമിഴില്‍ ആദ്യമായി 50 കോടി കലക്ഷന്‍ നേടി ഇന്‍ഡസ്ട്രിയുടെ ചരിത്രം തന്നെ തിരുത്തിയ ചിത്രമായിരുന്നു ഗില്ലി. 2007-ല്‍ മഹേഷ് ബാബുവിന്റെ തന്നെ മറ്റൊരു ചിത്രമായ പോക്കിരിയുടെ റീമേക്കിലൂടെ വിജയ് വീണ്ടും പ്രേക്ഷകരേയും ബോക്സോഫീസിനേയും ഞെട്ടിച്ചു. മഹേഷ് ബാബുവിന് ഒപ്പം അഭിനയിക്കുവാൻ തയ്യാറാണെന്ന് വിജയ് നേരത്തെ വെളിപ്പെടുത്തിയിരുന്നു. ഇപ്പോഴിതാ വിജയ്‌ക്കൊപ്പം അഭിനയിക്കുവാൻ തയ്യാറാണോ എന്ന ചോദ്യത്തിന് മറുപടി നൽകിയിരിക്കുകയാണ് മഹേഷ് ബാബു.
www.ezhomelive.comതീര്‍ച്ചയായും ഞാന്‍ തയ്യാറാണ്. അത് സംഭവിക്കുകയാണെങ്കില്‍ ഒരു അത്ഭുതകരമായ ചിത്രമായിരിക്കും. പക്ഷേ അതിന്റെ സംവിധായകന്‍ ആരെന്നുള്ളതാണ് പ്രധാനം. നടക്കുകയാണെങ്കില്‍ അത് ആവേശകരമാണ്. ന്‍ഡസ്ട്രിയില്‍ നമുക്ക് ഒന്നും പ്ലാന്‍ ചെയ്ത് കൊണ്ട് വരാന്‍ പറ്റില്ല. ഒക്കുടു, പോക്കിരി പോലുള്ള തിരക്കഥ ലഭിക്കാനുള്ള ഭാഗ്യമുണ്ടായി. അത്തരം തിരക്കഥകള്‍ ചെറിയ പ്രായത്തില്‍ തന്നെ കിട്ടി. അതൊക്കെ സംഭവിക്കുകയാണുണ്ടായത്, ഒന്നും പ്ലാന്‍ ചെയ്തതല്ല.
About Ezhome Live Online News Channel
No comments
Post a Comment