‘പോയി വേറെ പണി ഉണ്ടെങ്കിൽ അതുപോയി ചെയ്യൂ’;വിജയിയെ വിമർശിച്ചവർക്ക് മറുപടിയുമായി വിജയ് സേതുപതി

തമിഴ് നടൻ വിജയ്യെ ആദായനികുതിവകുപ്പ് ചോദ്യം ചെയ്തതുമായി ബന്ധപ്പെട്ട് നിരവധി വാർത്തകൾ സോഷ്യൽ മീഡിയയിൽ തരംഗമായിരുന്നു. വിജയുടെ മതവുമായി ബന്ധപ്പെട്ട വാർത്തയാണ് അതിൽ പ്രധാനപ്പെട്ടത്. വിജയെ കുറ്റം ആരോപിക്കുന്നവർക്കെതിരെ രംഗത്തെത്തിയിരിക്കുകയാണ് വിജയ്‌ സേതുപതി. ആദായ നികുതി വകുപ്പിന്റെ റെയ്ഡിന്റെ പിന്നാമ്പുറങ്ങളെ പറ്റി സംസാരിക്കുന്ന ഒരു കുറിപ്പ് സമൂഹമാധ്യമങ്ങളിൽ പ്രചരിച്ചിരുന്നു. വിജയുടെ മതത്തെക്കുറിച്ചും വിജയ് സേതുപതിയെ കുറിച്ചും അതിൽ പ്രതിപാദിക്കുന്നുണ്ടായിരുന്നു.

മതപരമായി ബന്ധമുള്ള സ്ഥാപനം താരങ്ങളില്‍ നിന്നും ഫണ്ട് സ്വീകരിച്ച് ആളുകളെ മതപരിവര്‍ത്തനം നടത്തുന്നു എന്നും ഇതാണ് കേന്ദ്രസർക്കാരിനെ ചൊടിപ്പിച്ചതെന്നും ഇനിയും റെയ്ഡ് ഉണ്ടാകുമെന്നും കുറിപ്പിൽ പറയുന്നു. ആ കുറുപ്പിന്റെ സ്ക്രീൻഷോട്ട് സഹിതം ട്വിറ്ററിൽ പങ്കു വച്ചു കൊണ്ടാണ് വിജയസേതുപതി കുറിക്കുന്നത്. ‘പോയി വേറെ പണി ഉണ്ടെങ്കിൽ അതുപോയി ചെയ്യൂ’ എന്നായിരുന്നു ഈ ആരോപണത്തിൽ വിജയ് സേതുപതിയുടെ മറുപടി. മാസ്റ്റർ സിനിമയുടെ ലൊക്കേഷനിലായിരുന്ന വിജയ്യെ ആദായനികുതിവകുപ്പ് 30 മണിക്കൂർ നീണ്ട ചോദ്യം ചെയ്യലിൽ പങ്കാളിയാക്കി.

போயி வேற வேலை இருந்தா பாருங்கடா… pic.twitter.com/6tcwhsFxgT

— VijaySethupathi (@VijaySethuOffl) February 12, 2020

www.ezhomelive.com