തൃശൂരില്‍ കൊറോണ ബാധിച്ച വിദ്യാര്‍ത്ഥിനിയുടെ ര​ണ്ടാ​മ​ത്തെ പ​രി​ശോ​ധ​നാ ​ഫ​ലം നെ​ഗ​റ്റീ​വ്

തൃ​ശൂ​ര്‍: തൃ​ശൂ​രി​ല്‍ കൊ​റോ​ണ വൈ​റ​സ് ബാ​ധ സ്ഥി​രീ​ക​രി​ച്ച്‌ ആ​ശു​പ​ത്രി​യി​ല്‍ ക​ഴി​യു​ന്ന വി​ദ്യാ​ര്‍​ഥി​യു​ടെ ര​ണ്ടാ​മ​ത്തെ പ​രി​ശോ​ധ​നാ​ഫ​ലം നെ​ഗ​റ്റീ​വ്. അ​ടു​ത്ത ഒ​രു പ​രി​ശോ​ധ​ന​ഫ​ലം കൂ​ടി നെ​ഗ​റ്റീ​വ് ആ​യാ​ല്‍ രോ​ഗം മാ​റി​യ​താ​യി സ്ഥി​രീ​ക​രി​ക്കാം.

ര​ണ്ട് പ​രി​ശോ​ധ​ന ഫ​ല​വും നെ​ഗ​റ്റീ​വ് ആ​യി ല​ഭി​ച്ചാ​ലും ഇ​ന്‍​ക്യു​ബേ​ഷ​ന്‍ പീ​രീ​ഡ് പൂ​ര്‍​ത്തി​യാ​കും വ​രെ രോ​ഗി നി​രീ​ക്ഷ​ണ​ത്തി​ല്‍ തു​ട​രും. ചി​കി​ത്സ​യി​ലു​ള്ള കു​ട്ടി​യു​ടെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് ആ​ശു​പ​ത്രി അ​ധി​കൃ​ത​ര്‍ അ​റി​യി​ച്ചു.

ആദ്യം വൈറസ് ബാധ കണ്ടെത്തിയ വിദ്യാര്‍ത്ഥിയുടെ ഫലം നെഗറ്റീവ് ആയതോടെ കേരളത്തില്‍ വൈറസ് ബാധ നിയന്ത്രണവിധേയമാകുന്നുവെന്ന പ്രതീക്ഷയിലാണ് ആരോഗ്യ പ്രവര്‍ത്തകര്‍. കൊറോണയെ സംസ്ഥാന ദുരന്തമായി പ്രഖ്യാപിച്ചത് ആരോഗ്യ മന്ത്രി നേരത്തെ പിന്‍വലിച്ചിരുന്നു. 
എന്നാല്‍ 28 ദിവസത്തെ നിരീക്ഷണ കാലാവധി കൂടി പൂര്‍ത്തിയായാലേ സംസ്ഥാനം കൊറോണ വിമുക്തമാകൂ എന്ന് ആരോഗ്യ മന്ത്രി വ്യക്തമാക്കി.

സംസ്ഥാനത്ത് നിലവില്‍ മറ്റ് കൊറോണ ബാധ സ്ഥിരീകരിച്ചിട്ടില്ല. രോഗ ബാധിതരുടെ ആരോഗ്യനില മെച്ചപ്പെട്ടിട്ടുണ്ട്. സംസ്ഥാനത്ത് നിലവില്‍ 3144 പേര്‍ നിരീക്ഷണത്തിലുണ്ട്. ഇതില്‍ 45 പേര്‍ ആശുപത്രികളില്‍ നിരീക്ഷണത്തിലാണ്. വുഹാനില്‍ നിന്ന് കേരളത്തിലെത്തിയ 70 വിദ്യാര്‍ത്ഥികളില്‍ 66 പേരുടെയും ഫലം നെഗറ്റീവാണ്.