ഡോക്ടർ രജിത് കുമാറിനെ കൈയേറ്റം ചെയ്ത് ഫുക്രു , പ്രതിഷേധം രൂക്ഷമാക്കി ആരാധകർ, ബിഗ്‌ബോസിനെതിരെ നിയമ നടപടിക്കൊരുങ്ങുന്നു

ബിഗ്‌ബോസ് ഷോയിൽ അനുദിനം സംഭവ ബഹുലമായ കാര്യങ്ങൾ അരങ്ങേറുകയാണ്. ഡോക്ടർ രജിത് കുമാറിനെ ഫുക്രു കയ്യേറ്റം ചെയ്തതാണ് കാര്യങ്ങൾ കുഴഞ്ഞു മറിഞ്ഞിരിക്കുന്നത്. വാതിൽ പടിയിൽ രജിത്തിനെ അകത്തേക്ക് കയറ്റാതിരിക്കാൻ ഡാൻസ് ചെയ്യുന്ന ഫുക്രുവിനെ മറികടന്നു രജിത് അകത്തേക്ക് പോകാൻ ശ്രമിച്ചതോടെയാണ് പ്രശ്‌നമുണ്ടായത്. ഇതോടെ തന്നെക്കാൾ പ്രായത്തിനു മൂത്തതാണെന്നുള്ള മനോഭാവം പോലുമില്ലാതെ ഫുക്രു രജിത്തിനെ കയ്യേറ്റം ശ്രമിക്കുകയും പിടിച്ചു തള്ളുകയും ചെയ്യുന്നതിന്റെ വീഡിയോ പ്രൊമോയിൽ കാണിക്കുന്നുണ്ട്.

ആര്യ മഞ്ജു വീണ തുടങ്ങിയവരുടെ പിന്തുണയും പ്രേരണയുമാണ് ഫുക്രുവിനെകൊണ്ട് ഇതൊക്കെ ചെയ്യിക്കുന്നതെന്നാണ് ആരാധകരുടെ പരാതി. ഇതിനെതിരെ ബിഗ്‌ബോസോ ഏഷ്യാനെറ്റോ പ്രതികരിച്ചില്ലെങ്കിൽ പ്രോഗ്രാമിനെതിരെ വയലെറ്റിങ് കമ്മ്യൂണിറ്റി സ്റ്റാൻഡേർഡ്‌സ് വകുപ്പിൽ കേസ് കൊടുക്കണമെന്നാണ് രജിത് ആർമിയുടെ തീരുമാനം. ഇത് കൂടാതെ പവനെ ക്യാപ്റ്റൻസി ടാസ്ക്കിൽ എത്തിക്കാതിരിക്കാനായി എല്ലാവരും ഒറ്റക്കെട്ടായി ഒന്നാം സ്ഥാനത്തു നിന്ന പവനിൽ നിന്ന് നാണയങ്ങൾ മോഷ്ടിച്ചു. ഇത് മോഷ്ടിച്ച് ഫുക്രുവിന് കൊടുത്തത്‌ മഞ്ജുവും വീണയും ജസ്ലയും. ഇതോടെ ഫുക്രുവും ഷാജിയും ഒന്നും രണ്ടും സ്ഥാനത്തെത്തി.