കൊവിഡ് ലക്ഷണമുള്ള വ്യക്തി എത്തിയത് ആരോഗ്യവകുപ്പിനെ റിപ്പോർട്ട് ചെയ്തതിന് വനിതാ ഡോക്ടറെ പിരിച്ചുവിട്ടു;സോഷ്യൽ മീഡിയയിൽ പ്രതിഷേധം

കൊറോണ വൈറസ് ലോകമെമ്പാടും പടർന്നു പിടിച്ചിരിക്കുകയാണ്. തൃശ്ശൂരിലെ ഒരു സ്വകാര്യ ക്ലിനിക്കിൽ കൊവിഡ് ലക്ഷണമുള്ള ഒരു വ്യക്തി എത്തിയത് ആരോഗ്യവകുപ്പിനെ റിപ്പോർട്ട് ചെയ്തതിന്റെ ഭലമായി വനിതാ ഡോക്ടറെ പിരിച്ചുവിട്ടു. മനുഷ്യാവകാശ പ്രവർത്തകയും ഡോക്ടറുമായ ഷിനു ശ്യാമളനെയാണ് ഫേസ്ബുക്ക് പോസ്റ്റിലൂടെ വിവരമറിയിച്ചതിനെത്തുടർന്ന് ജോലിയിൽ നിന്നും പിരിച്ചു വിട്ടത്. സ്വകാര്യ ആശുപത്രിയിൽ കോവിഡ് 19 ലക്ഷണം ഉള്ള ഒരു വ്യക്തിയെ കണ്ടത് ആരോഗ്യ വകുപ്പിനെയും പൊലീസിനെയും അറിയിച്ചതാണ് ഷിനു ചെയ്ത കുറ്റം. ഖത്തറിൽ നിന്നും എത്തിയ ഒരു വ്യക്തിയായിരുന്നു ക്ലിനിക്കിൽ എത്തിയത്. കടുത്ത പനിയെ തുടർന്ന് എത്തിയ വ്യക്തിയോട് നാട്ടിലെത്തി ചേർന്ന് തിയതിയെ കുറിച്ച് ചോദിച്ചപ്പോൾ വ്യക്തമല്ലാത്ത തീയതിയാണ് അദ്ദേഹം വെളിപ്പെടുത്തിയത്. പിറ്റേന്നു തന്നെ അദ്ദേഹം ഖത്തറിലേക്ക് മടങ്ങുകയും ചെയ്തു.

ഷിനു ശ്യാമളന്‍റെ ഫേസ്ബുക്ക് പോസ്റ്റിന്‍റെ പൂര്‍ണ്ണരൂപം:

സ്വകാര്യ ക്ലിനിക്കിൽ വന്ന രോഗിയെ സംശയാസ്പദമായ രീതിയിൽ കണ്ടപ്പോൾ ആരോഗ്യവകുപ്പിനെയും പിറ്റേന്ന് പോലീസിനെയും റിപ്പോർട്ട് ചെയ്തതിനും ഫേസ്ബുക്കിൽ എഴുതിയതിനും, ടി. വി യിൽ പറഞ്ഞതിനും എന്നെ ജോലിയിൽ നിന്ന് പിരിച്ചു വിട്ടു.

രോഗിയുടെയോ, ക്ലിനിക്കിന്റെയോ ഒരു വിശദാംശവും ഞാൻ പുറത്തു വിട്ടിട്ടില്ല. മുതലാളി പറയുന്നത് പോലെ മിണ്ടാതെ ഒതുക്കി തീർക്കുവാൻ ഇതിൽ എന്ത് കള്ളത്തരമാണ് ഉള്ളത്? അയാൾക്ക് കൊറോണ ആണെങ്കിൽ ക്ലിനിക്കിൽ രോഗികൾ വരുമോ എന്നു തുടങ്ങി മുതലാളിയുടെ കുറെ സ്വാര്ഥമായ ചോദ്യങ്ങൾ. ക്ഷമിക്കണം. തെറ്റ് കണ്ടാൽ ചൂണ്ടി കാണിക്കും. ഇനിയും.

ഞാനെന്റെ ഡ്യൂട്ടിയാണ് ചെയ്തത്. ഇനിയും ചെയ്യും. അറിയിക്കേണ്ടവരെ ഉദ്യോസ്ഥരെ അറിയിച്ചിട്ടും രോഗിയെ ഖത്തറിലേക്ക് വിടാൻ അനുവദിച്ചവർക്ക് ഒരു കുഴപ്പവുമില്ല. ആ ഉദ്യോഗസ്ഥർ സുഖിച്ചു ജോലി ചെയ്യുന്നു. പക്ഷെ എനിക്ക് ജോലി പോയി. എന്ത് നാടാണിത്?

ഞാൻ ചെയ്തതിൽ ഒരു തെറ്റുമില്ല. ഇനിയും ശബ്‌ദിക്കും.

www.ezhomelive.com