നടന്‍ വിജയ്‌യുടെ വീട്ടില്‍ ആദായനികുതി വകുപ്പ് വീണ്ടുമെത്തി. വിജയ്‌യുടെ നീലന്‍കരയിലെ വസതിയിലാണ് ആദായനികുതി വകുപ്പിലെ ഉദ്യോഗസ്ഥര്‍ എത്തിയത്. വിജയ്‌യുടെ വീട്ടില്‍ കഴിഞ്ഞ മാസം റെയ്ഡ് നടന്നതിന് പിന്നാലെ വീടിനുള്ളിലെ ചില മുറികളും ലോക്കറുകളും സീല്‍ ചെയ്തിരുന്നു. ഈ നിയന്ത്രണങ്ങള്‍ പിന്‍വലിക്കുന്നതിന് വേണ്ടിയാണ് വിജയ്‌യുടെ വീട്ടില്‍ എത്തിയതെന്ന് പിന്നീട് ഉദ്യോഗസ്ഥര്‍ വ്യക്തമാക്കി. വിജയ് ഏറ്റവുമൊടുവില്‍ അഭിനയിച്ച ബിഗില്‍ എന്ന ചിത്രവുമായി ബന്ധപ്പെട്ടാണ് കഴിഞ്ഞ മാസം റെയ്ഡ് നടന്നത്. എന്നാല്‍ വീട്ടില്‍ നിന്നും അസ്വാഭാവികമായ ഒന്നും തന്നെ കണ്ടെടുക്കാന്‍ സാധിച്ചിരുന്നില്ല. അതേസമയം ചിത്രത്തിന്റെ നിര്‍മ്മാതാവ് അന്‍പുചെഴിയന്‍റെ വീട്ടില്‍നിന്ന് 77 കോടി രൂപ കണ്ടെടുത്തിരുന്നു.
No comments
Post a Comment