സ്വാന്ത്വനസ്പർശവുമായി തല അജിത്;കോവിഡ് പ്രതിരോധ പ്രവർത്തനങ്ങൾക്കായി ഒന്നേകാൽ കോടി സംഭാവന ചെയ്ത് താരം

രാജ്യമാകെ കൊറോണ വൈറസിനെ ഭീതിയിൽ ആയിരിക്കുകയാണ്. ഈ സാഹചര്യത്തിൽ പ്രതിരോധ പ്രവർത്തനങ്ങൾ ചെയ്യുന്നതിന് വേണ്ടി നിരവധി താരങ്ങൾ സംഭാവനകൾ നൽകിയിരുന്നു. വിജയ് സേതുപതി, വിജയ്, സൂര്യ, കാർത്തി എന്നിവരെല്ലാം സംഭാവനകൾ നൽകിയിരുന്നു. രണ്ട് കോടി സംഭാവന നൽകി തെലുങ്ക് സൂപ്പർ താരം പവൻ കല്യാണും എത്തിയിരുന്നു. ഇപ്പോൾ വാർത്തയാകുന്നത് തമിഴ് നടൻ അജിത്ത് നൽകുന്ന സംഭാവനയാണ്. ഒന്നേകാൽ കോടി രൂപയാണ് അജിത് ദുരിതാശ്വാസ നിധിയിലേക്ക് കൈമാറിയത്.

പ്രധാനമന്ത്രിയുടെ പിഎം കെയർ ഫണ്ടിലേക്ക് 50 ലക്ഷം രൂപയും മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് 50 ലക്ഷം രൂപയും നൽകിയ അജിത് സിനിമാ രംഗത്ത് പ്രവര്‍ത്തക്കുന്ന ദിവസ വേതനക്കാരെ സഹായിക്കാന്‍ സംഭാവന ചെയ്യണമെന്ന് ഫിലിം എംപ്ലോയിസ് ഫെഡറേഷന്‍ ഓഫ് സൗത്ത് ഇന്ത്യ (ഫെഫ്‌സി) ആവശ്യപ്പെട്ടതിനെ തുടർന്ന് സിനിമ സംഘടനക്ക് 25 ലക്ഷം രൂപയും നൽകി.

ഇന്നലെ മലയാളത്തിന്റെ സൂപ്പർ താരം മോഹൻലാലും സംഭവനയുമായി രംഗത്ത് എത്തിയിരുന്നു. കേരള മുഖ്യമന്ത്രിയുടെ ദുരിതാശ്വാസ നിധിയിലേക്ക് ആണ് മോഹൻലാൽ സംഭാവന നൽകിയത്. 50 ലക്ഷം രൂപയാണ് മോഹൻലാൽ സംഭാവന നൽകിയത്. ഇത്രയും വലിയ തുക സംഭാവന ചെയ്യുന്ന മലയാളത്തിലെ ആദ്യ താരം മോഹൻലാൽ കൂടിയാണ്. കോവിഡ് പ്രതിരോധ പ്രവർത്തനങ്ങളിൽ മോഹൻലാൽ പൂർണ പിന്തുണ നേരത്തെ തന്നെ പ്രഖ്യാപിച്ചിരുന്നു.

www.ezhomelive.com