പ്രണയത്തിന്റെ ക്വറന്റൈനിന്റെ പതിനഞ്ച് വർഷങ്ങൾ;സോഷ്യൽ മീഡിയയിൽ വൈറലായി ചാക്കോച്ചന്റെ പോസ്റ്റ്

പ്രേക്ഷകർ ഏറെ ഇഷ്ടപ്പെടുന്ന താരജോഡികൾ ആണ് കുഞ്ചാക്കോബോബനും പ്രിയയും. നീണ്ട 14 വർഷത്തെ കാത്തിരിപ്പിനൊടുവിലാണ് അവർക്ക് ഒരു കുഞ്ഞു ജനിക്കുന്നത്. അവരുടെ ജീവിതത്തിലെ ഏറ്റവും സുന്ദരമായ നിമിഷം ആയിരുന്നു ഇസയുടെ ജനനം. മകൻ ജനിച്ചതിനു ശേഷമുള്ള ആദ്യത്തെ വിവാഹ വാർഷികം ആയിരുന്നു കഴിഞ്ഞ ദിവസം. ഭാര്യയെയും മകനെയും ചേർത്തുപിടിച്ചുകൊണ്ട് കേക്ക് മുറിക്കുന്ന ചിത്രം സോഷ്യൽ മീഡിയയിലൂടെ പങ്കുവെച്ചിരുന്നു. പ്രിയയെകുറിച്ച് കുഞ്ചാക്കോബോബൻ പങ്കുവെക്കുന്ന പോസ്റ്റ് ആണ് ഇപ്പോൾ ചർച്ചാവിഷയമാകുന്നത്.

കുഞ്ചാക്കോ ബോബന്‍റെ പോസ്റ്റ്

പതിനഞ്ചു വര്‍ഷമായി നിന്നോടുള്ള സ്‌നേഹത്തിന്റെ ക്വാറന്റൈനിലാണ് ഞാന്‍. അതെനിക്കെന്നും പ്രിയപ്പെട്ടതാണ്. കഴിഞ്ഞ 22 വര്‍ഷമായി നമുക്കു പരസ്പരം അറിയാം. എന്റെ ജീവിതത്തില്‍ സംഭവിച്ച ഏറ്റവും നല്ല കാര്യങ്ങളില്‍ ഒന്നാണ് നീ. എന്റെ പ്രിയതമയെ കാണുന്നതിനു മുൻപ് തന്നെ എന്റെ ആദ്യചിത്രത്തിൽ അവളുടെ പേര് ഞാൻ മൂളിയിരുന്നു. കുറ്റങ്ങളും കുറവുകളും എല്ലാം പരസ്പരം ക്ഷമിച്ചുകൊണ്ട് നമ്മൾ മുന്നോട്ടു നീങ്ങുകയാണ്. ഈ സ്പെഷ്യൽ ഡേയിൽ ഇസഹാക്ക് കൂടെയുള്ളതിനാൽ നാം ഒത്തിരി സന്തോഷത്തിലാണ്. നീ നിന്റെ മാതാപിതാക്കൾക്ക് ഒരു നല്ല പുത്രിയാണ്, നിന്റെ കസിൻസിന് നല്ലൊരു സഹോദരിയാണ്, എനിക്ക് ഉൾപ്പെടെ നിരവധി ആളുകൾക്ക് നല്ല ഒരു സുഹൃത്താണ്, എനിക്കുമാത്രം നീ അടിപൊളി ഒരു ഭാര്യയും എന്റെ കാമുകിയും ആണ് , എന്റെ കുടുംബത്തിന് നല്ലൊരു മരുമകളാണ്, ഇപ്പോൾ എന്റെ മകന്റെ ഏറ്റവും പ്രിയപ്പെട്ട അമ്മയുമാണ്. എല്ലാ സന്തോഷവും നേരുന്നു.

ഈ പോസ്റ്റിനോടൊപ്പം താൻ ആദ്യമായി തന്റെ ഭാര്യയ്ക്കു വേണ്ടി ഉണ്ടാക്കുന്ന കേക്ക് ആണ് ഇതെന്നും അതിനാൽ അതിന്റെ ഭംഗി ആരും നോക്കരുതെന്നും കുഞ്ചാക്കോ ബോബൻ പറയുന്നു.

www.ezhomelive.com