എക്സൈസ് സംഘം വാഷ് പിടികൂടി

കൊറോണ കോവിഡ്- 19 ബാധ യെ തുടർന്ന് ലോക് ഡൗൺ പ്രഖ്യാപിച്ച പശ്ചാത്തലത്തിൽ മദ്യവിൽപ്പനശാലകൾ അടച്ചതിനെ തുടർന്ന് എക്സൈസ്‌  വ്യാജമദ്യവേട്ട കർശനമാക്കി.ഇതിൻ്റെ ഭാഗമായി ഇരിട്ടി എക്സൈസ് സർക്കിൾ ഓഫീസിലെ പ്രിവൻ്റീവ് ഓഫീസർ ടി.കെ.വിനോദനും പാർട്ടിയും പൊറോറ-പെരിയച്ചൂർ ഭാഗത്ത് നടത്തിയ പരിശോധനയിൽ  ചാരായം വാറ്റാൻ പാകപ്പെടുത്തിയ 30 ലിറ്റർ വാഷ് കണ്ടെടുത്തു.റെയ്ഡിൽ പ്രിവൻ്റീവ് ഓഫീസർ കെ.ആനന്ദകൃഷ്ണൻ, ഗ്രേഡ് പ്രിവൻ്റീവ് ഓഫീസർ പി.വി.വത്സൻ, സിവിൽ എക്സൈസ് ഓഫീസർ നെൽസൺ. ടി. തോമസ്,എക്സൈസ് ഡ്രൈവർ കെ.ബിനിഷ് എന്നിവർ പങ്കെടുത്തു.