അതിഥി തൊഴിലാളികളുമായി ഇന്ന് പുറപ്പെടുന്നത് നാല് ട്രെയിനുകള്‍; കണ്ണൂരില്‍ നിന്നും വൈകിട്ട് അഞ്ച് മണിക്ക്

തിരുവനന്തപുരം:

സംസ്ഥാനത്ത് ഇന്ന് അതിഥി തൊഴിലാളികളുമായി നാല് ട്രെയിനുകൾ കൂടി പുറപ്പെടും. തൃശ്ശൂർ, കണ്ണൂർ, എറണാകുളം എന്നിവിടങ്ങളിൽ നിന്നാണ് ട്രെയിനുകൾ പുറപ്പെടുക. എറണാകുളത്ത് നിന്ന് രണ്ട് ട്രെയിനുകളാണ് യാത്ര തിരിക്കുക. സംസ്ഥാനത്ത് നിന്ന് ഏഴായിരത്തോളം പേരാണ് ഇതുവരെ സ്വദേശത്തേക്ക് മടങ്ങിയത്.

ബിഹാര്‍ സ്വദേശികള്‍ക്കായി എറണാകുളം നോര്‍ത്ത്, സൗത്ത് സ്റ്റേഷനുകളില്‍ നിന്നാണ് ട്രെയിന്‍ പുറപ്പെടുക. കഴിഞ്ഞ രണ്ട് ദിവസങ്ങളിലായി മൂവായിരത്തി അഞ്ഞൂറിലേറെ ഇതര സംസ്ഥാന തൊഴിലാളികള്‍ ജില്ലയില്‍ നിന്ന് നാട്ടിലേക്ക് യാത്ര തിരിച്ചിട്ടുണ്ട്. ഒഡീഷ, ബിഹാര്‍ സ്വദേശികളെ മാത്രമാണ് ഈ ട്രെയിനുകളില്‍ കൊണ്ടുപോയത്.

തൃശ്ശൂരിൽ നിന്നും കണ്ണൂരിൽ നിന്നും വൈകീട്ട് അഞ്ച് മണിക്കാണ് ട്രെയിൻ പുറപ്പെടുക. കൊണ്ടുപോവുക താമസ സ്ഥലത്ത് പരിശോധന പൂർത്തിയാക്കിയ 1200 ഓളം പേരെ . നേരിട്ട് റയിൽവെ സ്റ്റേഷനിൽ എത്തുന്നവരെ പരിഗണിക്കില്ല യാത്രാ അനുമതി താമസ സ്ഥലത്ത് നിന്ന് പരിശോധന പൂർത്തിയാക്കിയവർക്ക് മാത്രമെന്ന് പോലീസ്