റിയല്‍മി വാച്ച് എസ് നവംബര്‍ 2ന് എത്തും

 

റിയൽമിയുടെ സ്മാർട്ട് വാച്ചിന്റെ പുതിയ വേരിയന്റായ സ്മാർട്ട് വാച്ച് എസ് നവംബർ 2ന് അവതരിപ്പിക്കുമെന്ന് റിപ്പോർട്ട്.

ഇതിന് ഒരു വൃത്താകൃതിയിലുള്ള ഡിസ്‌പ്ലേയാണ് വരുന്നത്. 1.3 ഇഞ്ച് ഓട്ടോ ബ്രൈറ്റ്‌നെസ് ടച്ച്സ്‌ക്രീൻ, ഹാർട്ട്‌റേറ്റ്, സ്പോ 2 മോണിറ്റർ സിസ്റ്റം എന്നിവയുമായാണ് ഈ സ്മാർട്ട് വാച്ച് വരുന്നത്. ഇത് 15 ദിവസത്തെ ബാറ്ററി ലൈഫ് വാഗ്ദാനം ചെയ്യുന്നു. ഈ സ്മാർട്ട് വാച്ച് ഗൂഗിളിന്റെ WearOS പ്രവർത്തിപ്പിക്കുമോ എന്ന കാര്യത്തിൽ ഇപ്പോഴും വ്യക്തതയില്ല.

ഒരു സ്മാർട്ട്‌ഫോൺ വഴി മ്യൂസിക് പ്ലേബാക്ക് നിയന്ത്രിക്കാനും ഈ സ്മാർട്ട് വാച്ചിന് കഴിയും. വാച്ചിൽ സ്വന്തമായി മ്യൂസിക് പ്ലേ ചെയ്യാനുള്ള സവിശേഷത ഉണ്ടാകാൻ സാധ്യതയില്ല. 5,000 രൂപ വില വിഭാഗത്തിലെ ഏറ്റവും മികച്ച സ്മാർട്ട് വാച്ചുകളിലൊന്നാണ് റിയൽമി സ്മാർട്ട് വാച്ച്.