സംസ്ഥാനത്ത് നാളെ നടക്കാനിരുന്ന ഹയർ സെക്കൻഡറി ഫസ്റ്റ് ഇയർ ഇംപ്രൂവ്മെൻ്റ് പരീക്ഷ മാറ്റിവച്ചു
സംസ്ഥാനത്ത് നാളെ നടക്കാനിരുന്ന ഹയർ സെക്കൻഡറി വിഭാഗം ഫസ്റ്റ് ഇയർ ഇംപ്രൂവ്മെൻ്റ് പരീക്ഷ മാറ്റിവച്ചു. രാവിലെ നടക്കാനിരുന്ന ഹയർ സെക്കൻഡറി അക്കൗണ്ടൻസി ഫസ്റ്റ് ഇയർ ഇംപ്രൂവ്മെൻ്റ് പരീക്ഷയാണ് മാറ്റിവച്ചത്. മലപ്പുറം കിഴിശ്ശേരി കുഴിമണ്ണ ഗവ: ഹയർ സെക്കൻഡറി സ്കൂളിലെ ചോദ്യപേപ്പർ മോഷണം പോയതിനെ തുടർന്നാണ് നടപടി.
ഇന്ന് രാവിലെയാണ് സംഭവം സ്കൂൾ അധികൃതരുടെ ശ്രദ്ധയിൽപ്പെടുന്നത്. തുടർന്ന് പൊലീസിനെ വിവരം അറിയിച്ചു. പൊലീസും ജില്ലയിലെ വിദ്യാഭ്യാസ വകുപ്പ് ഉദ്യോഗസ്ഥരും സ്ഥലത്തെത്തി പരിശോധിച്ചപ്പോൾ ചോദ്യപേപ്പർ മോഷണം പോയതായി സംശയം തോന്നി. തുടർന്ന് തിരുവനന്തപുരത്ത് വിദ്യാഭ്യാസ വകുപ്പിനെ വിവരം അറിയിക്കുകയായിരുന്നു.
വിശദമായ പരിശോധനയിൽ മൂന്ന് സെറ്റ് ചോദ്യപേപ്പർ മോഷണം പോയതായി പൊലീസ് അറിയിച്ചു. മുറിയിലെ എയർ ഹോളിലൂടെയാണ് മോഷ്ടാവ് അകത്തു കടന്നതെന്നും പൊലീസ് അറിയിച്ചു.
⭕ അറിയിപ്പ്
18.12.2020ന് നടത്താൻ നിശ്ചയിച്ചിരുന്ന ഒന്നാം വർഷ ഹായർസെക്കണ്ടറി/വൊക്കേഷണൽ ഹായർസെക്കണ്ടറി ഇംപ്രൂവ്മെൻ്റ് പരീക്ഷകളിൽ അക്കൗണ്ടൻസി വിത്ത് എ. എഫ്.എസ് പരീക്ഷ മാത്രമാണ് മാറ്റിവെച്ചിട്ടുള്ളത്. 18.12.2020നു നടക്കുന്ന അക്കൗണ്ടൻസി വിത്ത് സി.എ പരീക്ഷക്കോ മറ്റു പരീക്ഷകൾക്കോ മാറ്റം ഉണ്ടായിരിക്കുന്നതല്ല.
- ഡോ.എസ്.എസ്.വിവേകാനന്ദൻ
➖️➖️➖️➖️➖️➖️➖️➖️➖️➖️➖️
വാർത്തകൾ വേഗത്തിലറിയാന്‍ _ഏഴോം ലൈവ് ന്യൂസ്_ ഗ്രൂപ്പില്‍ ജോയിന്‍ ചെയ്യുക
Group 81
Group 82
About Ammus
No comments
Post a Comment