ഇന്ന് ഭാരത് ബന്ദ്; കേരളത്തെ ഒഴിവാക്കി

കർഷക സംഘടനകൾ ആഹ്വാനം ചെയ്ത ഭാരത് ബന്ദ് ഇന്ന്. രാവിലെ 11 മുതൽ 3 മണിവരെയാണ് ബന്ദ്. തദ്ദേശ തെരഞ്ഞെടുപ്പ് നടക്കുന്നതിനാൽ കേരളത്തെ ഒഴിവാക്കി. ആവശ്യസേവനങ്ങൾ ലഭ്യമാകും. അതേസമയം കേന്ദ്രത്തിന്റെ കരിനിയമങ്ങൾക്കെതിരായ കർഷകരുടെ സമരം 13-ാം ദിവസത്തിലേക്ക് കടക്കുകയാണ്. ഭാരത് ബന്ദിന് ഐക്യദാർഡ്യം അറിയിച്ച് ഗുജറാത്ത്, മധ്യപ്രദേശ്  സംസ്ഥാനങ്ങളിൽ നിന്നുള്ള കർഷകർ ദില്ലിയുടെ അതിർത്തികൾ വളയും.