യു​വ​തി ക​ട​ലി​ൽ വീണ് മ​രി​ച്ച സംഭവം​; ശുചിമുറിയിൽ ഒളികാമറ വെച്ച സഹപ്രവർത്തകനെതിരെ പരാതി

 

കോ​ഴി​ക്കോ​ട്​: 

കോഴിക്കോട് യു​വ​തി ക​ട​ലി​ൽ വീണ് മ​രി​ച്ച സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്നു​കാ​ട്ടി ബ​ന്ധു​ക്ക​ൾ രംഗത്ത്. പ​യ്യാ​ന​ക്ക​ൽ ച​ക്കും​ക​ട​വ്​ വ​ട​ക്ക​യി​ൽ സ​ജി​ത (25) കോ​തി പാ​ല​ത്തി​ൽ നി​ന്ന്​ ക​ട​ലി​ൽ ചാ​ടി മ​രി​ച്ച​തി​ലാ​ണ്​ ദു​രൂ​ഹ​ത ആ​രോ​പി​ച്ച്​ പി​താ​വ്​ ശ​ശി​ധ​ര​ൻ രംഗത്തെത്തിയത്. സംഭവത്തിൽ പിതാവ് പ​ന്നി​യ​ങ്ക​ര പൊ​ലീ​സി​ൽ പ​രാ​തി ന​ൽ​കി.

യു​വ​തി​യെ ക​ട​ലി​ൽ ത​ള്ളി​യി​​ട്ടെ​ന്ന സം​ശ​യ​മാ​ണ്​ പി​താ​വ്​ പ​രാ​തി​യി​ൽ ഉ​ന്ന​യി​ക്കു​ന്ന​ത്. സ​ജി​ത​ ജോ​ലി ചെ​യ്യു​ന്ന സ്​​ഥാ​പ​ന​ത്തി​ലെ കു​റ്റി​ക്കാ​ട്ടൂ​ർ സ്വ​ദേ​ശി അ​നൂ​പ്, ശു​ചി​മു​റി​യി​ൽ മൊ​ബൈ​ൽ കാ​മ​റ സ്​​ഥാ​പി​ച്ച്​ പ​ക​ർ​ത്തു​ക​യും സം​ഭ​വ​ത്തി​ൽ അ​നൂ​പ്​ അ​റ​സ്​​റ്റി​ലാ​വു​ക​യും ചെ​യ്​​തി​രു​ന്നു. ഈ ​സം​ഭ​വ​ത്തോ​ടെ ഭ​ർ​ത്താ​വ്​ ഇ​വ​രെ ഉ​പേ​ക്ഷി​ച്ചു. പി​ന്നീ​ട്​ കേ​സി​ൽ ജാ​മ്യ​ത്തി​ലി​റ​ങ്ങി​യ അ​നൂ​പ്,​ സ​ജി​ത​യെ വി​വാ​ഹം ക​ഴി​ക്കാ​മെ​ന്നു​പ​റ​ഞ്ഞ്​ വി​ശ്വ​സി​പ്പി​ച്ചു.

ഇ​തി​ന്​ ആ​ദ്യം കേ​സ്​ പി​ൻ​വ​ലി​ക്ക​ണ​മെ​ന്ന ആ​വ​ശ്യം ഉ​ന്ന​യി​ച്ച​തോ​ടെ, വി​വാ​ഹ​ശേ​ഷം കേ​സ്​ പി​ൻ​വ​ലി​ക്കാ​മെ​ന്ന്​ സ​ജി​ത നി​ല​പാ​ടെ​ടു​ത്തു. ഇ​തോ​ടെ ഇ​യാ​ൾ വീ​ണ്ടും ഭീ​ഷ​ണി​പ്പെ​ടു​ത്തി​യ​താ​യും പ​രാ​തി​യി​ൽ പ​റ​യു​ന്നു. ക​ട​ലി​ൽ ചാ​ടി​യ​തി​ന്​ തൊട്ടു​മു​മ്പ്​ ഇ​രു​വ​രെ​യും മ​ത്സ്യ​ത്തൊ​ഴി​ലാ​ളി​ക​ൾ ക​ണ്ടി​രു​ന്ന​താ​യി പ​റ​യു​ന്നു​ണ്ട്. മ​രി​ക്കു​ന്ന​തി​നു​മു​മ്പ്​ സ​ജി​ത​യി​ട്ട വാ​ട്​​സ്​ ആ​പ്​ സ്​​റ്റാ​റ്റ​സ്, ചാ​റ്റു​ക​ൾ, ഫോ​ൺ കാ​ൾ വി​വ​ര​ങ്ങ​ൾ ഉ​ൾ​പ്പെ​ടെ കു​ടും​ബം തെ​ളി​വാ​യി പൊ​ലീ​സി​ന്​ ന​ൽ​കി​യി​ട്ടു​ണ്ട്.

ജ​നു​വ​രി 11ന്​ ​രാ​വി​ലെ 11 ഓ​ടെ​യാ​ണ്​ യു​വ​തി ക​ട​ലി​ൽ വീ​ണ​ത്. എന്നാൽ ഇവരെ മ​ത്സ്യ​ത്തൊ​ഴി​ലാ​ളി​ക​ൾ ര​ക്ഷ​പ്പെ​ടു​ത്തി ആ​ദ്യം ബീ​ച്ച് ​ആ​ശു​പ​ത്രി​യി​ൽ പ്ര​വേ​ശി​പ്പി​ക്കു​ക​യാ​യി​രു​ന്നു. അവിടെ നിന്ന് സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റി​യെ​ങ്കി​ലും ആ​ന്ത​രി​കാ​വ​യ​വ​ങ്ങ​ൾ പൂ​ർ​ണ​മാ​യും പ്ര​വ​ർ​ത്ത​ന​ര​ഹി​ത​മാ​യതിനെ തുടർന്ന് 12ന്​ ​വൈ​കീ​ട്ട്​ മൂ​ന്ന​ര​യോ​ടെ സജിത മരണത്തിന് കീഴടങ്ങുകയായിരുന്നു.