കേരളാ അതിർത്തികൾ അടച്ചു; പ്രവേശനത്തിന് നിയന്ത്രണം

കേരളത്തിൽ നിന്നുള്ള അതിർത്തി റോഡുകൾ അടച്ച് കർണാടക. കേരളത്തിലെ കൊവിഡ് വ്യാപനം ചൂണ്ടിക്കാട്ടി സംസ്ഥാനപാത ഉൾപ്പെടെയുള്ള റോഡുകളാണ് അടച്ചിരിക്കുന്നത്. ബസ് യാത്രക്കാർ ഉൾപ്പെടെയുള്ളവർക്ക് 72 മണിക്കൂറിനുള്ളിൽ എടുത്ത കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി. അതിർത്തികളിലെ 17 പാതകളിലും നിയന്ത്രണം കൊണ്ടുവന്നിട്ടുണ്ട്. 13 ഇടത്തെ പാതകളും അടച്ചു. അൺലോക്ക് ചട്ടങ്ങളുടെ ലംഘനമാണെന്ന് ആരോപണം ഉയരുന്നുണ്ട്.