മെസ്സിയെ നിര്‍ത്തി ബാഴ്സക്കെതിരെ ഗോളടിച്ച്‌ റാക്കിറ്റിച്ച്‌; കിങ്സ് കപ്പില്‍ സെവിയ്യക്ക് ജയം
മഡ്രിഡ്:
കോപ ഡെല്‍ റെ സെമി ഫൈനല്‍ ആദ്യ പാദം ബാഴ്സയെ വീഴ്ത്തി സെവിയ്യ. പഴയ തട്ടകമായ കറ്റാലന്‍ ജഴ്സി ഊരിവെച്ച്‌ വെള്ളക്കുപ്പായത്തില്‍ ഇറങ്ങിയ ഇവാന്‍ റാക്കിറ്റിച്ച്‌ ഗോള്‍ നേടിയ മത്സരത്തില്‍ മെസ്സി നിറംമങ്ങിയത് ബാഴ്സക്ക് തിരിച്ചടിയായി.
ബാഴ്സലോണയുടെ ചരിത്രത്തിലെ ഏറ്റവും സ്ഥിരതയാര്‍ന്ന താരങ്ങളിലൊരാളായ റാക്കിറ്റിച്ച്‌ അടുത്തിടെയാണ് ടീം വിട്ട് സെവിയ്യയിലെത്തിയത്. ബാഴ്സക്കെതിരെ ഗോള്‍ നേടിയാല്‍ ആഘോഷിക്കില്ലെന്ന് നേരത്തെ താരം പറഞ്ഞത് അതേപടി ആദ്യ കളിയില്‍ സംഭവിക്കുകയും ചെയ്തു. പരസ്പരം മുഖാമുഖം നിന്ന കിങ്സ് കപ് സെമി ഒന്നാം പാദത്തില്‍ മനോഹര ഗോളുമായി താരം നിറഞ്ഞാടിയപ്പോള്‍ സെവിയ്യ കുറിച്ചത് അനായാസ ജയം.
ആദ്യ പകുതിയുടെ 25ാം മിനിറ്റില്‍ ജൂ
ള്‍സ് കുണ്ടെയാണ് സെവിയ്യ നിരയെ മുന്നിലെത്തിച്ചത്. സ്വന്തം പെനാല്‍റ്റി ഏരിയയില്‍നിന്ന് പന്തുമായി അതിവേഗം കുതിച്ച്‌ നാല് ബാഴ്സ താരങ്ങളെ പിറകിലാക്കിയ കുണ്ടെ വെടിച്ചില്ലു കണക്കെ പായിച്ച ഷോട്ട് ബാഴ്സ ഗോള്‍കീപര്‍ മാര്‍ക് ആന്‍ഡ്രേ ടെര്‍ സ്റ്റീഗന് നോക്കിനില്‍ക്കാനേ കഴിഞ്ഞുള്ളൂ.
കഴിഞ്ഞ ആഗസ്റ്റ് അവസാനത്തോടെ ബാഴ്സ വിട്ട് സെവിയ്യ കുപ്പായമണിഞ്ഞ റാക്കിറ്റിച്ച്‌ അവസാന നിമിഷങ്ങളിലാണ് വിജയം ഗംഭീരമാക്കി പിന്നെയും ഗോള്‍ നേടിയത്. അവസാന നിമിഷം മെസ്സി തകര്‍പ്പന്‍ നീക്കവുമായി ഗോളിനടുത്തെത്തിയെങ്കിലും എതിര്‍ഗോളി ബോനോ അനുവദിച്ചില്ല.
സ്വന്തം കളിമുറ്റെത്ത ആധികാരിക ജയത്തോടെ സെവിയ്യക്ക് കിങ്സ് കപ് കിരീടത്തിലേക്ക് വഴി എളുപ്പമായി. മാര്‍ച്ച്‌ മൂന്നിനാണ് രണ്ടാം പാദം. മൂന്നു വര്‍ഷം മുമ്ബ് കിങ്സ് കപ് ഫൈനലില്‍ സെവിയ്യയെ 5-0ന് വീഴ്ത്തിയത് മാത്രമാണ് ബാഴ്സക്ക് ആശ്വാസം.
കളിയില്‍ ആധിപത്യം പുലര്‍ത്തിയിട്ടും ഒരിക്കല്‍ പോലും വലകുലുക്കാന്‍ മറന്ന മെസ്സി സംഘത്തിന് കൂടുതല്‍ വിയര്‍പ്പൊഴുക്കേണ്ടിവരും.
രണ്ടാം സെമിയില്‍ അത്ലറ്റിക് ബില്‍ബാവോ ലെവാെന്‍റയെ നേരിടും.
About Ammus
No comments
Post a Comment