മുഹമ്മദിന്​ മരുന്നിനായി ലഭിച്ച തുകയിൽ അധികം വരുന്ന തുക സർക്കാരിന് കൈമാറാൻ തീരുമാനം

 

കണ്ണൂർ :  

മാട്ടൂലിലെ ഒന്നര വയസുകാരൻ മുഹമ്മദിന്​ മരുന്നിനായി ലഭിച്ച തുകയിൽ അധികം വരുന്ന തുക സംസ്ഥാന സർക്കാരിന് കൈമാറാൻ തീരുമാനം. സ്‌പൈനല്‍ മസ്‌കുലാര്‍ അട്രോഫി എന്ന അപൂർവ്വ രോഗം ബാധിച്ച മുഹമ്മദി​ന്റെ ചികിത്സക്കാവശ്യമായ മരുന്നിന് 18 കോടി രൂപയാണ് വേണ്ടത്.

മുഹമ്മദിന്റെ ചികിത്സയ്‌ക്കുള്ള മരുന്നിന്റെ ഇറക്കുമതി നികുതിയും ജിഎസ്ടിയും കേന്ദ്രസര്‍ക്കാര്‍ ഒഴിവാക്കി നൽകിയിരുന്നു . 46.78 കോടി രൂപയാണ്​ കുട്ടിയുടെ ചികിത്സയ്‌ക്കായി ലഭിച്ചത്. സഹായനിധിയിൽ അവശേഷിക്കുന്ന തുകയാണ് പിണറായി സർക്കാരിന് കൈമാറുക.

സാമൂഹിക സുരക്ഷ മിഷ​നിലേക്കാവും പണം കൈമാറുക. സമാന അസുഖമുള്ള കുട്ടികൾക്ക്​ ചികിത്സ സഹായം നൽകുന്നതിനാണ് പണം കൈമാറുന്നതെന്നാണ് സൂചന . ഇതുമായി ബന്ധപ്പെട്ട് ചികിത്സ സഹായ കമ്മിറ്റി ഭാരവാഹി എം. വിജിൻ എം.എൽ.എ മുഖ്യമന്ത്രിയുമായി ചർച്ച നടത്തിയിരുന്നു.